روايات من قلب الصعيد

بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
روايات من قلب الصعيد

الشاعر والكاتب / عبد العزيز عبد الحليم عبد المطلب شاعر الصعيد عامتا ومدينة أسيوط خاصتا شاعر رواية من قلب الصعيد روايات واقعية - شخصيات تاريخية - قصة قصيرة - نوادر - احداث تاريخية - شعر العامية - المربعات - رومانسيات - ادوار صعيدية - الادب الساسي


أدوار صـــعــــيـــديــــــــــــــــة

شاطر
avatar
Admin
Admin

عدد المساهمات : 590
نقاط : 1769
السٌّمعَة : 0
تاريخ التسجيل : 15/11/2011
العمر : 28
الموقع : اسيوط

أدوار صـــعــــيـــديــــــــــــــــة

مُساهمة من طرف Admin في الثلاثاء ديسمبر 06, 2011 1:02 pm

لما ابتليت أهل البيت عزلونى وعدمت الأحباب حتى الأصحاب عزلونى واحترت أروح فين وأنا وسط الاثنين عزلونى .

قال قبل ما ابتلى يا ناس كان لي ناس يقولوا ماله ولما ابتليت لا حد يسال ولا أخ يقول ماله والقلب والبيت والأيام عزلونى .

يا عيني توبي من كاس عبنول لا تاخد العجوزة ولا الطلوقة ولا الهجاله ولا الي اتجوزت الأول تأكل متاعك وتذم فيك وتمدح في جوزها الأول .

حوشوا عليق الجمل أكل المعيز فيه عيب لو كان جمل في جمل مكنش يبقى عيب .

الحمد لله حمد تزيدونا قال في نظير ما عزمناك تعلم بطنك شونه .

وقف قبالنى ع التل وقمبر افكره بيفوح عنبر وحاطته الدبابير زى البلح المطنبر ولما سالت عليه قالولى د كسلان ومضروب شمبر.

انا اللى كبرت من دول جيلى وكلمنى فى المجالس بطلوها انادى ع المره ما تجيبنى حتى العيال بيتعوها .

كلبات كلبات واللمض الصفيح بطلوها والناس اللى بالا ابات بتقعد تحلف بابوها .

ان شتمنى القبيح انا مش قبيح ارد عليه واذا كان له اب زى الناس يترد عليه ومنين له باب يترد عليه .

يا قاتل الجدع مفكر تش ان القتل ما بيسمحش بيه دينك غالط ضميرك ومفكرتش ان هيجى يوم والموت برضه هيجيلك .

يا دنيا قلت عدلك والناس من الهموم وسقت مراكب حب السبع بشوف عدلك لقى الكلب على الخيت راكب

ان سابتك سيب قلدها ما تخفش منها خاف من ولدها وحياة عروس القيام وامه كانت شرشوحة معلهاش ملامه

نوم الضحى يتلف الفتى ونوم العصارى ما ترضيه ملوك



يا قليل الاصل يللى ملكش خال و لا خاله ولسانك قبيح وبزى وما عندكش اصل ولا تعرف حاجه عن الاصاله اياك نسيت ابوك اللى كان طبال وامك الطباله .



وسمنى الهوا وخد وسمى وسلامات يابو عنادى سمت ولدها على اسمى وفى البيت تقعد تنادى .



عجبى على بنت اسمها لوزة مرسوم على صدرها حجرين قماش وجوزة ياما نفسى اقعد جنبها انا واشرب من الجوزه .



عوضنا على الله فى شقانا وتعبنا واللى بنحبوه لاف بالغير وتعبنا كتير من الناس يقولو سيبه وارتاح اسيبه كيف وانا جسمى اتملا اجراح انا نمت وصحيت لقيت نجع الحبايب راح راح شقانا على الاندال وتعبنا .



ياناس سيبونى فى حالى حمولى القال مش فاضى انا دهب اتكسر فى الخزانات مش فاضى شرط المحبة تعوزالمال والفاضى .



طبيب جانى فى البكرة اهوجات طلب مية بن وقهوة وزاد قال تسافر معايا انا قلت البلاد وبعاد مشبوك مع ناس فى العشرة ومنيش فاضى .



عجبى على الملوش لزمة بيقوم بهوات ورعات الشاه والابل صبحوا مالكين تروللى وعربيات عاملين اتولدوا وفى بقهم معلقة دهب ونسوا الماضى واللى فات كان ماضى مليان انين واهات ونسيو حياتهم اللى تعودوها وركب الحمير والبغال فضوا ايدهم فيها وسابوها .

اول مافى الاويا او ربنا خلق ابونا ادم وبسط الجو وتانى مافى الاويا او مايقتل بالسيف الا السو.



عاشرت انسان كان عدمان وحبيته قعده فى مجالات وسط ناسات وحبيته طلع علي عما ينفخ شبيه تعبان وحويته ولاعدت اعاشر الندل ابدا ولاادور بيه مشى الخسيس شين يتلف كل من دار بيه .



ياعور العور دق لعينك خابور قبل التانية ما تغور .

سجان المجمع يجمع والشمس عاليه فى سماها ياعور ليك عين تدفع والتانية طالبة عماها .



احر الخشب السنط والعدو يقتل العدوبالصمت واحرالرجال اللى ياخد نايبه صمت .



الزمن عقب والبابور على الجسر ماشى والناس اللى بلا ابات فرضة الشماسى وتقول ع القماش مانلبساش .



حبيتك من قلبى يابنت الحلال ياصبيه وحب الاصيل للاصيلة راس مال ومرت علينا ليالى سعيدة وردية لكن للاسف كانت ثوانى وانقضت فى الحال .



ابتليت بلوة سودة وبختى مع بلوتى مال ياترى اصبر على ايامى الى زى الفودة او انفد بجلدى لانصرع فى الحال.



الست يلزمها وقار وحشامه والشرف مطلوب للبنت لو بتشتغل فى البيوت خدامة .



قالوا خروبه من الدم ولاالف صاحب انا قلت لو كان قريبى مش هيعولنى الهم انا اقوله مليون هلا ومراحب .



قالوا اختار لبنتك ولاتختارش لولدك اختار لبنتك اللى عنده دين ويقدر يصونها واختار البنت اللى تنصح بها ولدك علشان لاتخونه ولايقدر يخونها .



معكش قرش متساوى قرش ولاحد يسال فيك واللى معاه فلوس يرخص عليه القرش والغريب يعد نفسه قريبك ومن اهليك .



كل حلال تعلوك مهابة جلال ووقار ونزه نفسك عن الشبه واكل الحرام هتكون حتوته فى النوادى مع السماروالمعارك التقيلة بيكون اساسها حرام.



بلاش ترمى القيامه وتلوث البيئه وتلوث البيئه بيزيد من مرضى الناس وبخلى مناظر الشوارع بيبقى قميئه وزيل الجمال من عيون الناس .



قالوا ابو البنات بيناسب الملوك والكلاب قلت ذا كلمات على البر بيقلوها هو صحيح الهواء غلاب انما البنت بتت خطب بصيت أمها وأبوها .



عجبى عليك يا زمن لا مخلى اللى ماشى ماشى ولا اللى راكب راكب .وخليت السقاقوه بيقيوا خياله وبيقت لهم نفوذ ومراتب وزادوا لؤم ورزاله .



عجبى عليك يا زمن خليت الاصيل مال معاه البخت والخسيس نسى نفسه وتاه وبقى واهم وبعد ما كان راكب قارب ركب يخت وبيعد فى دنانير ودراهم .



من قبل ابونا ما يموت كانت الناس بتيخى وتسال علينا ومن بعد ابونا ما مات اللى كانوا بيسالوا بطلوا يجوا يمينا .



قالوا ابو البنات بيناسب الملوك والكلاب قالوها عن الملوك بياخدوا البنات ويصنوها اما الكلاب فبياخدوا البنات وينهشوا فى لحم امها وابوها.



لا ليك دعوة بى ولا لى دعوة بيك عطيتك كل حاجه ومفيش حاجه تراضيك .



ابكى يا عين وكترى بكاك ابكى يا عين علا جدع شملول سرح ولا جاشى .



قال يا بنى لا تزنى ولا تسكر دول يفقروك وان جالست جالس ولد الملوك ان ملت يعدلوك .



الواد قال يا بويا اعملى فرس طين قال يا ولدى انا ما اقدر اعمله ولا عندى خلو بال اعملك فرس طين الا لما يريد ربك وناخد فلسطين .



لما اخدتنى كنت زى البدر وكنت بحبك واريدك ولما ما شوفتش منك غير القسا والهجر ليه دلوقتى جاى تشكى وتمد لى ايدك .



ليه بتاخد اتنين هو انت قادر على واحدة وعشان تسوى بين الاثنين هيعدوا عليك الواحدة .



الجواز مش بنت ولد الجواز له معانى واصول تاخد بنت سيد البلد تكون لك فى المعزة اصول .



حطيت فى قلبى وفرشتلك رمشى اعمل ايه فى قلبى وانا فى هواك بدوب يا تحنى على يا تفارقينى وتمشى وان عن انشغالك وانشغالى اتوب .



حبيت واحدة وفكرت ان بيها هتهنا وقبل ما ارتبط بيها غدر بينا الزمان شتت فكرى وياريته كان استنى ال وخلى الحب اللى كان بينا مالهش مكان .



اوعى تقولى اخويا زى ابويا حنون ابوى حنون وحنته بتدوم .



اذا مال على الزمان اميل على زندى وحمل بايدى واطلع من المنازلدى هو انت يا بين جيتنى على عندى خت عينى اليمين وحاسب على العين دى انا كان لى غنادير اسمهم فلان وفلان يريحوا القلب اديله زمان تعبان سكنوا حوض التراب وفاتوا هدومهم عندى .



تعالى يا طبيب شوف لطعتى وعماى وصبغتالى هدوم حتى طاقيتى وعماى وعملت كالحوت تايه فى بركتى وعماى امانه يا طبيب ما عندكش دواء قارف انا عندى من الدواء القارف وفرحوا الاقارب على لطعتى وعماى .



يا ناس قولولى على صاحبى المليح راح فين كان ولد جد ويسوا من الرجال الفين يسوا من الرجال الفين يسوا الفين من جيله حكم عليه الزمان طفيت قناديله وبقى التراب مرقده يا ترى راح فين .



خلخال خطر ع القدم كل المحاسن فيه والصايغ اسمه حسن صايغ جميع ما فيه يا عينى روحى لعوال الهموم وشوفيه راحت العين وقالت حبيبي ربنا يشفيه وينزل السوق يتسوق مثل عاداته جمل المراحل برك شمتت الاعادى فيه .



انا والله لو عطانى زمانى لهاجروروح الروم وافصل قميص ابيضانى واكتب عليه مظلوم وحياة نجميتين الصبح اللى واحدة



تروح الشام والتانيه تورح الروم الحب لابن البلد لكن الغريب مظلوم .



امانه يا طبيب صعبان على عمرى انا قلت انا طالما راجل جدع ما اميشيش فى الخراب عمرى انا قلت اه يا طبيب بيت العدو على الريح اذهب وهتلى من الوزاره تصريح يا متنا مجاريح يا فريت انا بعمرى .



الحمد الله اللى توبت وبصلى وزرعت فى ارضكم كرات وبصلى قالوا عاشر الرجال انا قلت احسنلى وقالوا عاشر النساء انا قلت ابعدوها عنى. ياما جرالى من دور النساء وحصلى .



يا بو القميص الابيضانى بالصابون مدعوك يللى عيونك من كتر البكاء وجعوك غمز رغيفك بدقة وا تروحش الفرح من غير معرفه ولا صحبات الفرح ما دعوك.



يا بنت يا ماشيه فى الطريق حملك هبشنى والهبشة جات فى العبايه رمان صدرك دوشنى خلى فطورى غدايا .



السبع لومال مفيش غنى عنه وحى بلا انسان بلاش منه والرجل تحكمه مره بلاش منه والراجل المظبوط زى عقارب الثوانى كلها احساس وناس زى العقارب بتاذى كل الناس



تصنع القوارب من حشب السنط سيب القارب ياخد مهاجه فواجب على الاصيل الصمت لما الخميس ياخد مهاجه



يوم حكم المحاكم والشاويش والباش غلايين حروبه الباش . مدة ما اتفرعنوا الانجليز وكانوا اوباش نزلوا على مصرما خلوا انفر ولاحد واللى وقع مات واللى رمح جلدوه يوم شنق زهران كان فى الصعب واقفاته امه واقفه فوق العلالى تصوت هى واخوتة تقول نصرة من عند الكريم نصرة سافر ياامير سافر عن كلمة الحق ما تقولش سافر الامير ولا استناش سحب كرسى وسط الايوان وجلاس قالواله يعنى جيت يا امير قال انا جيت واتكلم كلام امر عشان نفر خربت القطر وبلادنا طلبت كفالات من اصحاب الدم دفعوا له طلبت مساجين من اصحاب الدم دفعوا له خمسه وستين الف نفر يا ناس يباركوا له خسارة لما وقع مصطفى كامل ولا استناش .



من كان بلوته من قريبه يموت ولو كان الطبيب حداه.وممكن يكتم فى قلبه ولمين يبث شكواه .هيبثه لعدو يشمت ولا يبثه لحبيب يشيل همومه معاه . ليه العداوه بتكون فى القرايب وصله الرحم الناس نسياه .



مع انه مذكور فى القران ذى القربى اول من وصى بها القدير فى علاه لانهم قريبين من بعضيهم فى الكره والفرح المواساة اما الغريب ما تهمش البلوه منه ممكن تبعد عنه وتتحاشاه لانك لا هتكون ملازمه ولا يعرفه حاجه عنك وممكن ما تقعدش معاه ولا يهمك زعله ولا صلاحه ولا يهمك حتى تقف وتتكلم ويا هو صدق اللى قال دخان القريب يعمى اما دخان البعيد لا هييجى يمك ولا هتروح انت حداه .ممكن الغريب يموت وياخذ عداوته معاه.



اما القريب مش ممكن عداوته وتتنسى دى بموت ويسيبها للى وراه.



اهل الخلا فى خلاهم يشبهوا الابقار ان قلتله هش وقف وان قلتله حاه دار .



اهل الخلا فى خلاهم يشبهوا النوار اما فيكم خصيله يا اهل البنادر ظراطين عند الرضوخ اما الحريم فجار .



امانه يا حب امانه تحققلنا القسمه والنصيب فيه ناس كتير حبة زيينا وقالت عمر القدر فى طريق الحب ما يخيب شافوا القدر بعنيهم ومكنش فيه بينهم نصيب زيينا.



يا زانى قبل ما تزنى فكر فى بنتك لييجى يوم واللى عملته يخلص منها وتشوف بعينك واحد زيك مع ينتك بيعمل اللى بيعمله ود سلف ودين ولازم ولابد يخلص منها.



يا عاقل يا واعى ليه تطمع وتسرق وتجلب لروحك العار تنسى الجنه ونعيمها ورب كريم حنان وناسى ان هيجيلك يوم شديد تكون فى اسفل سافلين فى النار يا حرامى توب واقلع عن السرقه يغفر ذنوبك غافر الذنوب منان .



امانه يا رايح عند النبى تدعيلى ربنا يغفر ذنوبى ومن المعاصى اتوب اوعى تنسى لما توصل هناك تدعيلى ربنا يكتبلى حجه فانا لاشتياقه بدوب .



زميل خدمته واعتبرته حميم اتارى مساهل ولما عرفته انه قليل ادب ولئيم انا قلت استاهل .



عينك ساقت على اه من عينك اه يانى انا ما شوفتش فى جمال فاثرنى فوادى فى ثوانى .



ظلمونى وجانوا على وانا كنت مشغول ومشفاضى ولما لقيت الحكم قاسى على قالت احكم العدل يا قاضى .



حكموا على بالعذاب فقولت حكم القوى ع الضعيف ولما لانفع فيهم نصح ولاعتاب قلت اسالك يا ربى التخفيف .



قابلتنى بنت بيضا حطت عينها منى قلتلها رايحه فين يا بيضا قالت جياك تطلب القرب منى .



حكموا على بالعذاب والحكم كان جاير ولا همهم ان كنت بارتاب ولا همهم جرحى اللى غابر .



البنى ادم شعور واحاسى ودم وممكن يفرح ويزعل ويشيل الهم اما الحيوان فلا احساس ولا شعور ولا دم لا يزعل ولا يفرح ولا يشيل هم .



واحده بتبيع قصب واسمها سمانه راح واحد يشترى منها لقى الباب مقفول فقعد يخبط عليها وكل ما يخبط تقوله كرنب كرنب الحال تعبان بص من خرم الباب لقيها بتستحما قالها افتحى واعملى معروف انا عيان .



اتنين جهله وبهايم واولاد عم واحد فى يوم طلع النخله واد عمه شافه قاله بتعمل ايه يواد عمى قال هيجيب بلح قاله انزل قاله لا قاله والله لو وقعت ومت ما اكلمك تانى .



حماتى تسالنى واستلتها غريبه عايزانى اقع فى اجاباتى من ينقذنى منها ويخرجنى من ماساتى .



شوفتوا الزمن وشقاليبه الراجل يزعل والمره تجيبه وكان من باب اولى تستغنى عنه وتسيبه لكن بتحبه وحبها من نصيبه يبقى بلاش تزعله مدام بتدوب فى لهاليبه .



اقول للصهاينه اين انتم من الذين طغوا فى البلاد واكثروا فيها الم تسمعوا عن قوم ثمود وقوم عاد ليه وفرعون ذى الاوتاد .



مدام انت راجل ليه تخاف من راجل والندل عده مداس وحرمه للرجل وايش يعمل المال للى ساعه الجد مش راجل .



من عشق راجل يعيش راجل ومن عشق حرمه انتلف امله وما عاد راجل .



شوفت بعنيه بنيه سالت عنه اللى حوليه وقولتلهم اسمها ايه قالوا اسمه سميه قلتلهم مالها مش ماشيه على بعضها ليه وماشيه بتتلوا كالحيه



قال يللى عطاك الاله ومزكتش عن مالك عماله تخلق فلوس بالربح من مالك وفى المعاصى صرفت يا جدع مالك وكمان بتزنى وتشرب الخمر يا عذابك واتلقى وعدك مع النمرود فى جهنم يوم ما يجيبوك يا عذابك ويدوك جلده يا عذابك و مدام بتمشى فى الهلس حتما راح يزول مالك .



يا واخد البنت اسال ع الام قبليها هى اساس العمل والطبع قبليا واسال ع الخال وبعد الخال ابيها ان مالت البنت تكون الام فبليها وان حبتك تكون فى الاصل حماتك وان كرهتك قادتلك نار وحماتك وان حبتك يوم تجرى وراك ميت ميل وان كرهتك يوم ع المحكمه بتميل والحره ما تميل وان ع الموت قبليها .



عجبى على بنت صاينه عرض راجيلها وكحله العين بحسن الطبع راجيلها سلبت عقول البلد وهى فى حضن راجلها سالنا على البنت قالوا البنت فلاحه تقلع وتلبس تصلى الفجر فلاحه نازله تملا القليلة مع بنات باحسان الوجه عربى ومنورع الضلام (الظلام) باحسان طلبت منها الوصال قالت انا من نسل طه النبى تقيه العرض ومشرفه الارض لو خطرت براجلها (براجلها).



كلام مضى وفات لكن حلو العيون مجانيش وفضات سهران لما طلع النهار مجانيش الجسم متى ابتلى والعقل شرد مجانيش اياك حبيبى قابل العزول فى الطريق ولازقاه كاس الحلا بعد المرارولى اياك حبيبي صمع كلام فتنه ولاه ولا خبر ايه خلف الميعاد مجانيش .



يا طفل يللى سلامك تملى بيفرحنى ويزيح الغلب عنى .



يا غربتى من بلاد الناس يا عذابى ضيعت مالى ومال الجد فدادين وعذابى عشان بنيه فايتها البكر وعذابى طبيب خلفلى من جوه الحشا بالدور طبيب خلفلى الم من جوه الحشا بالضر وما كنت ع البر واشجاب رجلك فى الغزيز تانى .



يا ليل يا ليل كلمه يا ليل طالعة من صمام راسى انا بعد كنت حربحط العطر والمسك والريحان على راسى صبحت عسكرى غلبان وشايل تراب الميدان على راسى .



صبحيه العيد قابلنى الجميل واقف الكحلة والعين لكن الرموش واقف كلمه كلام زين يكلمنى كلام واقف دالكحله فى العين يا سيدى شالتنى شيل وانا واقف .



انا عجبنى على بنت بيضا بتجلى البن فى الحله لابسه الحزام الدهب معووج على سنه دانا لو معايا مال لرحنا لابو البنت وشلنا لولا الملامة يا حج حب البنت قاتلنا .



يا بنت ليكى مين على الباب الحديد واقفاله قالت انا لى جدع زين فى الجييش واقفاله دأنا لو معايا مال لاحط المال واخلى القلب يصفاله .



انا من زى جسمى ارث الهموم ولا داب لو كان حديد كان بلى ولا حجر كان داب انا بلوتى طفشت وحش الخلا والداب (الديابه) يا ابنى من طول اساسك متين استحمل بلاوى كتير المال يغور بعد العافيه والصحه يا ما ناس ولاد ناس صرفوا وعدوا كتير يا ما ملوك من بعد منك عدمت الصحه جاتهم جميع الاطبه صرفوا وعدوا كتير .



استرها يا رب وحياة سورة الرحمن يا منجى يوسف من اخوته يا رحمن يا رافع عيسى فى السما بالحق وتبارك استرها يارب انا جيمى نحيف وعانك ونويت تشفى المريض وتجدد العاتت وكل عاتت جه على قدرتك ولا داب .



السعد ويا السعاده ظاهرين اعيان يصحبوا الهلف يقعد فى جمع الرجال اعيان الحظ لما يطاطى بيخلبط الوعيان واجب على العبد يصبر بحكم السيد استعمل الصبر يديلك يا فتى ما تريد هى دنيا غروره ودايما وتلبس العبد قنطار ونص حديد وتقصر الايدى اللى بتنظره الاعيان



ذلينتى يا زمن وما كنش من الواجب انا كنت فاكرك اصيل وبتعرف الواجب اتاريك ردى خالى ما عندك ذوق ولا واجب تميل على وانا اصلى من العاليين اجود بمالى واعزم كل الناس عاليين ولا اقواش للدون هاتلى حاجه من عندك انا غلبت يا زمن وظروفى معاك حلت كمثل سفينه وزادها الطياب حلت شوف الدنيا ذلت صحاب الذوق والواجب .



عجبى ع اللى بتخايلى كل ما افوح لابسه الحياضة (العقد) دهب ومكلفاه بياقوت طلبت منها الوصال قالتلى لما تموت لو حطتنى فى كفه والمال فى كفه نفسى عفوفه وعطيتها 300تفه رجعت وقالتلى يا عمى ما تاخد نيش وحياة تربه النبى الزين تروحله الناس بالزفه نا اتف تفه والعقها لما اموت .



تعابت الاصيل تلاقى نفسك ملكته تعابت الخسيس تعلمه الرجالة وحقك مع الاصيل تلاقى نفسك مسكته اما حقك مع الخسيس هتلاقى فيه استحاله .



الخالى من الغلط والعيب هتشوف فى وشه بشاشه اما المعجون بالغلط والعيب ما يستحقش تقوله يا باشا .



الناس اللى مالها مش لزمه حاشا لله حاشا داوقتى بقت لها لزمه والعبد لقبوه بالباشا .
امثــــــال


بدال لحمك وقلقاسك هاتلك طاقيه على راسك.



ان دبلت الوردة ريحتها فيها .



من عاشر القوم 40 يوم يا صار منهم يا صاروا منه .

    الوقت/التاريخ الآن هو الثلاثاء سبتمبر 19, 2017 7:01 pm