روايات من قلب الصعيد

بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة

انضم إلى المنتدى ، فالأمر سريع وسهل

روايات من قلب الصعيد

بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة

روايات من قلب الصعيد

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
روايات من قلب الصعيد

الشاعر والكاتب / عبد العزيز عبد الحليم عبد المطلب شاعر الصعيد عامتا ومدينة أسيوط خاصتا شاعر رواية من قلب الصعيد روايات واقعية - شخصيات تاريخية - قصة قصيرة - نوادر - احداث تاريخية - شعر العامية - المربعات - رومانسيات - ادوار صعيدية - الادب الساسي


    مقتطفات شعرية

    Admin
    Admin
    Admin


    عدد المساهمات : 590
    نقاط : 1769
    السٌّمعَة : 0
    تاريخ التسجيل : 15/11/2011
    العمر : 34
    الموقع : اسيوط

    مقتطفات شعرية Empty مقتطفات شعرية

    مُساهمة من طرف Admin الأحد مارس 18, 2012 10:41 pm

    البحر واحد والسمك الوان
    *****
    البحر واحد والسمك الوان وصدف باشكاله و شعب ومرجان
    وقوارب عايمه على الميه تروح تشوفها تلاقيها حيتان
    وميه تشوفها دهبية مع الشمس ساعة الصبحية
    وانغام جميلة موسيقية مع الامواج رايحة وجاية
    والقمر فى الليالى القمرية بالوانه البيضة الفضية كأنه طالع من المية
    وفى الليل تشاهد هنا وهناك انوار رايحه وجاية من الافلاك
    منظر شيق وعجيب يفهمه كل زكى ولبيب
    مناظر فيها الاعجاب والقدرة حتى الكافر من غر ما يعلم ولا يدرى
    يعرف ان فيها قدرة خلاق وقت الغروب وساعة الاشراق
    لكن السمك ولونه بيغرينى ولو جفيته فى يوم ما يجافينى
    لكن انا دايما بقرب منه ولا يمكن فى يوم ابعد عنه
    لانه سلواتى ومنايا وفى قلبى ساكن جوايا

    -----------------------------------------------------
    يا رب ارحمنى من السهيان
    *****
    قمر قدامى وفى وشه دايما تلاقى فيه خطين
    زى البنجر فى حماره وجماله الحلو الزين
    لو فردهم هتلاقى جواهم لولى ابيض على الصفين
    مرصوصين رصة مهندس ساوى عددهم فى الفكين
    وخلق حواجب هلالية تحتيها تلاقى جفن العين
    فيها رموش بتتحرك ويتحاكى جمال الخدين
    وفى كل خد عليه وردة بترويها تملى دموع العين
    دايما فى وقت الفرح او تملى فى كلتا الحالتين
    وشعرها النازل على القورة بيداعب كحلة مجرورة
    سبلة عينيها مخمورة لكن شقية ومغرورة
    يا سلام لما اقولك على الاوصاف والشعر اللى نازل على الارداف
    هتلاقى لعب على اصوله فى الوصف والتعبير اللى هقوله
    وصف يعجز عنه اللسان تشوفه تروح البيت عيان
    وتقول يا رب ارحمنى من الغرور اللى فى جماله سهيان
    -----------------------------------------------------
    آه منكم يا بنات حوا
    ****
    تفتح قلبى تلاقى جواه نشوة وحب للنسوان
    وتملى تحس بقربك منها حياة فيها استقرار وامان
    لو انت وحش وغير مألوف قربك منها يخليك انسان
    زى الزهور بكل اشكالها مهما اختلفت فى الالوان
    وتلاقى السمرا والبيضا والشقرة كمان والحمرة وفى الكل ياسمين وريحان
    دايما حلوة بطبيعتها وحلاوتها فيها سر وحنان انت شفايا ودوايا وصحة ونقاهة للعيان
    آه منكم يا بنات حوا فيكم حلاوة مع الازمان
    حلاوة فيها سكر ونشوة وسطوة للعاشقين وادمان
    صحت الرجولة فى عروقى خلتنى دايما على طول هيمان
    اشوفكم اتهوس بلقاكم وافضل طول الليل سهران
    آكل فى نفسى واشد فى شعرى وعارف آخر الحب حنان
    الحب لازمه سلوك انسانى مش لازمه ابدا سلوك حيوان
    يكون فيه مداعبة وملاطفة واحتراف ممثل قدير وفنان
    -----------------------------------------------------
    يا حلوة يا قوت القلوب
    *****
    انا فى هواك تملى بدوب يا اللى ما فيك ابدا عيوب يا لبن زبادى وسرسوب
    انت الوحيدة الغالية على وحياتى واملى المحبوب يا حلوة يا قوت القلوب
    بين شفايفك لحن طروب ورضابك احلى مشروب يا مهلبية من اللبن الحلوب
    لو غبت عنى يا مهيوب دمى هيفضل مقلوب وهكون دايما امرى مغلوب
    اخوض عشانك معارك وحروب فى الشمال وفى الجنوب
    وادور عليك يا حبيبتى وارجع حقى المسلوب يا منايا واملى المطلوب
    انا فى حبك وهواك بدوب يا موالى على لسان الشعوب
    يا احلى طعم فى حياتى يا فردوس يا جناتى
    يا ملبية جميع طلباتى يا عسل ابيض يا خروب
    انا رغم النوازل والخطوب اشوفك يا قوت القلوب تروح عنى المتاعب والكروب
    -----------------------------------------------------
    خلى وشك دايما بشوش
    ****
    نفسى فى يوم ارجع من شغلى واشوف وشك دايما بشوش
    وسنك على طول بيضحك وسحر عنيك بتداعب الرموش
    مش الاقيك فى منظر محبوش وفويه شعرك تملى منكوش
    وبتعضى على نابك زى الوحوش وتخلينى اشمئز منك واقول لنفسى يا رب حوش
    من اللى مخلية دماغى تملى مدووش اتارينى لما حبيتك كنت مغشوش
    انا ياما كتير نصحتك ومسمعتيش ابدا نصيحتى وكلامى فى الاخر طلع فشوش
    كنت فاكرك هتستنينى بابتسامة وصدر مشروح
    وكلام حلو جميل وكأنه بلسم يشفى الجروح
    انا كتير بقولك الحياة الزوجية استقرار ومحبة دايما واستمرار
    ولا جاره جنبينا ولا جار يسمع عننا سر من الاسرار
    ليه عامله دايما جحيم فى الدار واللي يسمعنا
    يقول على دارنا د مش دار د ميدان قتال لحرب التتار
    انا كان على ايه بالعيشة د هى د انت لو مالكة الدنيا وعندك مالية
    كفاية علي انفد بجلدى من قدامك ما معتوهه دايما يا نكدية
    هو يا ناس فيه اكتر من كده رزية وانا عشان مبصلكيش كرهت عنى
    ومش عايز اشوفك لا فى عشية ولا فى صبحية
    ودايما رغاية وشكاية والكلمة الصغيرة دايما بتعملى منها حكاية
    د الزوجة دايما بتظهر لزوجها الجمال ودايما وفى كل حال
    بتسعد دايما البهجة وتروق البال على مر العصور والاجيال
    -----------------------------------------------------
    يا حبيبتى تعالى
    *****
    لما اقولك يا حبيبتى تعالى تيجى على طول طوالى
    ولا تتأخرى دقيقة عنى وتجينى على طول فى ثوان
    تأخيرك دايما بيجننى لكن معايا بتبقى مريحالنى
    فما بالك لو تبعدى عنى نفسيتى تبقى تعبانى
    وأبقى مشغول دايما عليكى وفى ضميرى تملى شغلانى
    انا برتاح لما بشوفك وبتتحقق كل امالى
    وبشوف بيكى الدنيا جميلة وحلوة والفرحة متبقاش سيعانى
    يا رب عينى على سعادتها وعينى عليها يا زمانى
    مسلمين البوسنة
    ****
    احنا يا مسلمين البوسنه لا احترنا فى الصرب ولا حوسنا
    ولا فى يوم خوفنا منهم ورمينا نفسنا فى البحر وغصنا
    د النصر هيكون لينا فى النهاية نحن يا مسلمين البوسه
    والعالم كله هيحكى عنا ويقول اننا دهسنا رقاب والصرب ودوسنا
    وان شاء الله قريبا ننظم صفوفنا ونلم انفسنا
    ونرغم الصرب الجبنا يصرحوا ويقولوا د المسلمين خلونا حوسنا
    وداسوا على رقابنا برجليهم واحنا اللى جبناه لانفسنا
    وفكرنا ان احنا اللى فرسناهم اتارينا احنا اللى اتفرسنا
    اصل احنا اللى افترينا واتغرينا وخدنا قلم فى انفسنا
    دلوقتى المسلمين بضرباتهم قهرونا واتكبسنا
    وادينا دلوقتى اتذلينا بنقبل رجليهم وعلى اديهم كمان بوسنا
    ----------------------------------------------------
    يا طعمة يا برهرهه " البرهرهه : الرقيقة ا لجلد :"
    *****
    طول عمرك طعمة وبرهرهه ومهندمة دايما فى هدومك واخفافك دايما ملمعة
    والغوايش والكرادين دايما عاملين رنين وانتى ماشية ومتشخلعة
    من زمان وانا عارفك اليطة دايما ومنعنعة ومن يومك وانتى مجلعة
    وكتير انا نصحتك وحذرتك ان انا متنفعش معايا الشخلعة
    انا عايز اسمع منك كلمة تريحنى عشان انا مش مغفل ولا لابس بردعة
    د انا بافهمها وهى طايره بلاش تسرحى بى
    وتاكلى بعقلى حلاوة وعاملانى سليوه ليكى ومرتعة
    ارسيلك يا بنت الناس على بر ومتخليش دماغى مشعشعة
    لحسن فى الاخر هتضايق واعرض عنك بعد ما اعرف ان حكايتك كلها مرتعة
    كل اللى انا عايزه منك قبل ما انوى اقرب منك
    فعليكى تشاورى نفسك وقرارك تاخديه على مهلك ومتبقيش فيه متسرعة
    عشان انا معرفش غير الدوغرى ومش مولف على اللف والمعمعة
    ليه تخلينى اتعلق بحبك وتسيبى قلبى وتهجريه
    ويبقى حبك هو الوحيد اللى قتل قلبى واوجعه
    وانا لو شكيتك لكل العالم الشكوى هتفيدنى بايه
    ولو آهاتى وانينى على طول قعدت تدوى وفضلت مالية وديان العالم ومسمعة
    -----------------------------------------------------
    ليه بتمشى فى الممنوع
    *****
    خسارة انتى جميلة وحلوة وليه بتمشى فى الممنوع
    امشى فيما يرضى الله واسلكى الطريق المشروع
    اللى دايما هيبقى كويس ليكى وشرفك يفضل على طول مصان ومرفوع
    والناس طول عمرها تحلف بحياتك فى المدن والقرى والنجوع
    وتشرفى اهلك وناسك وكلامك دايما يبقى ليه قيمة ويفضل بينهم مسموع
    وسمعتك تفضل على طول منورة ونورها يفضل مغطى على نور الشموع
    وربنا يبقى راضى عنك وانتى فى طاعة وورع وبتصلى دايما فى خشوع
    ولا تخلى الشيطان يقرب منك وتفضلى دايما فى ذل وخضوع
    وبعد ما ترتكبى المعاصى يقولك دلوقتى انا برىء منك ومش هينفعك ابدا الدموع
    عشان تبعتينى وطاوعتينى وفضلتى ماشية فى الممنوع
    -----------------------------------------------------
    غريمى طمل يمانى
    *****
    اعمل ايه فى الغلب اللى جانى لما حبيبى صاده طمل يمانى
    يا ترى الطمل هو اللى قتلنى ولا هى اللى ببعدها قتلانى
    انا لما سمعت بنبأ حبها ليه قوام صرعنى النبأ وسد ودانى
    عشان ايه تعملى د كله يا خاينه تجرحينى وتقطعى شريانى
    عالمنا يا ناس بقى مفهش خير ويا ترى الخير الاقيه فى عالم تانى
    انا دايما فى حبى باخلص للحبيب والحبيب ابدا ميبقاش حبيب
    طالما يتقمص دور الوحش والديب
    وخلى حبيب الغدر بسهم الغدر ورمانى وبغى على وافنانى
    مش حرام عليكى بعد ما كنت عايش فى احلامى اتجرأتى على وهدمتى بنيانى
    لما ضحك عليكى الفحل الجبان اللى طول عمره عايش ع الغذاء الحيوانى
    من ساعتها وبيتى اللى كان متاوينى حسيت انه حفره والحفرة دايسة على نفسى وخنقانى
    وانا دلوقتى شايف الدنيا ضاقت فى وشى
    بعد ما كنت فرحان بيها ومكنتش ابدا سيعانى
    لكن اغراكى الجبان واتغريتى فيه وقسيتى على وطمعتيه
    وهتندمى بعد ما تكتشفى ان الجبان طمل يمانى
    والطمل ابدا ما يحققلك اى امانى وزى
    ما جنى على غيرك هييجى يوم ويبقى عليك جانى
    حتى لو اخلصت ليه فى حبك وقلت ليه انا هفضل ماسكه فيك بايدى وسنانى
    وحياتك انت صعبانه على يا طعامة وعنب حيانى
    انك هتيجى فى يوم وتقولى الطمل بحبه الزايف اغرانى
    ولما غرقنى فى حبه العارم وانا جرفته وجذبته فى طوفانى
    نسى ان كان لى حبيب وبحبه العامر نسانى
    -----------------------------------------------------
    يا عبدى اندم على اللى فات
    *****
    يا عبدى اندم على اللى فات وصلى فى جوف الليل ركعات
    وعلى الناس القى التحية والسلامات وقدم للجياع وجبات
    وقوم بالفرائض والعبادات هنغيثك يا عبدى من العثرات
    وانجيك من الذلات واذلل ليك العقبات
    واغفر كل ذنوبك واكتب ليك كتير من الحسنات
    وادخلك يا عبدى جنات عرضها عرض الارض والسموات
    فيها انوار وزينات وقطوف دانيات
    من كل الوان الثمرات للطائعين والطائعات
    فى الجنة المؤمنين على الارئك متكئين وكذلك المؤمنات
    بتطوف حواليهم الحور العين باكواب وآنيات
    يستاهلوا من ربهم بركات وزيادة فى الخيرات
    لما قدموا من حسنات واتجنبوا كل السيئات
    فى الجنة بيزوروا المؤمنين بعضهم جماعات
    لكن العاصين فى نار جهنم وفى العذاب اشتات
    -----------------------------------------------------
    الارض مقابل السلام
    ****
    احنا دلوقتى مع اليهود لا بنتخانق ولا بنتعارك
    بعد ما اتصالحنا لما قام الرئيس محمد حسن مبارك
    وقال الارض مقابل السلام ومن غير عتاب ولا كلام مدوا اديكم للسلام
    وسيبكم دلوقتى من الماضى اللى راح علينا على الفاضى
    د الحروب عن التقدم شغلتنا ودول العالم كلها سبقتنا وفاتتنا
    والفلسطينى دلوقتى عرف حدوده والاسرائيلى يبطل بشعلل للحروب وقوده
    وبعد ما كانوا متخاصمين وللتسليح دايما متنافسين دلوقتى صبحوا متفاهمين
    والحاضر يقول للغايب من الصغير للشايب احنا دلوقتى بقينا حبايب
    ومنطقتنا دلوقتى عمها الفرح والابتهاج وتركنا الحروب واتجهنا للانتاج
    والاصلاح الاقتصادى بقى منفعة لبلادى
    واتحررنا من كل القيود اللى كان فارضها علينا النمرود

    -----------------------------------------------------

    ان موريتك يا زلابية
    *****
    ان ما وريتك آخر عمايلك يا زلابية وخليتك تيجى على ايديك ورجليك حابية
    عشان مش انا اللى يتعمل كده فى تهجرينى وتتقلى على وتعملى عنى مش راضية
    لكن انا عارف انك بتحبينى وفى قلبى وفى وجدانى دايبه
    وانا دايما وتملى المظلوم وانت دايما وتملى عايبة
    بس انا فهمتك وفهمت الاعيبك ولو حطيتك فى مخى هجيبك وامسك فيك ومش هسيبك
    لكن انا ساكت وكافى خيرى شرى وانت بتعملى على تركى وهجرى
    وانا بقولك الاحسن لايميها لابصلك بصه تروحى فيها
    حكم بصتى لا ليها طب ولا دوا وكلمة الحب لازم تقوليها
    -----------------------------------------------------
    لو فيه حكم صارم
    *****
    لو فيه حكم فى البلد صارم الناس تكف عن المحارم
    وتتحلى تملى بالاخلاق ودايما تحض على المكارم
    وكل واحد يقوم يدور على شغل ياكل منه عيش وانتاجه فيه يكون عارم
    والناس كلها تثنى عليه وتقول برافوا عليه وعفارم
    ويضيع قوام استهتاره واللي كان دايما بيه حالم
    ومنها يبقى مؤدب وابن ناس هادى دايما ومسالم

    -----------------------------------------------------
    صوموا تصحوا
    *****
    صوموا تصحوا وادعوا ولحوا بالعفو والغفران وبتثبيت الايمان
    والبعد عن الحرام والظلم والطغيان واحيوا الصيام بالصلوات والابتهالات الدينية
    ارواحكم هتكون فيها تقوى وشفافية تتكلموا دايما بالحكمة وبالنواميس الالهية
    ويارب ديم الطاعة على والا : مستهلش نقطة ميه تحيينى
    ولا استحق اعيش فى الدنيا د هى
    وطاعتى ما تسوى حاجة من نعمك الكتيرة اللى بتسبغها على
    -----------------------------------------------------
    المحبة الالهية
    ****
    الدين دايما وتملى لله مفهش مطامع دنيوية
    ما هو الا نصايح ودساتير من صنع القدرة الالهية
    ولازم تؤمن بالله وبملائكته وكتبه ورسله والوحدانية
    وتمشى فى طريقك مستقيم واخلاقك تكون تربوية
    تكرم الضيف ولا تؤذى الجار وتنصح بالخير وتكون عمايلك انسانية
    هتلاقى نفسك محبوب من الناس ودى فى حد ذاتها محبة الهية
    -----------------------------------------------------
    شوفت حبيبك اللى فات
    ****
    شوفت حبيبك اللى فات د حلاوته سكر نبات
    خلى الناس فى الشرفات واللي طالين من البلكونات
    حدثت منهم لفتات وسمعنا منهم تنهيدات
    وراحوا فى المتاهات مأخوذين بجمال القسمات
    ع الحليوه اللى كانت ماشية فى الشارع جميلة الجميلات
    فضلوا طالين عليها لما تاهت فى الطرقات
    بعدين التفتوا لبعضيهم يتبادلوا فيها النظرات
    كأنهم بيلوموا نفسيهم وكل واحد يقول للتانى ازاى نسينا صاحبنا اللى فات
    منرحش ليه وراه ونسأل انا اظنه من اشرف العائلات
    د اللى يحظى بجماله البارع اللى صوره بيه رب السموات
    هيكون من اللى داعيين له والديه فى ليالى البر والنفحات

      الوقت/التاريخ الآن هو الخميس مارس 28, 2024 6:30 pm