روايات من قلب الصعيد

بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة

انضم إلى المنتدى ، فالأمر سريع وسهل

روايات من قلب الصعيد

بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة

روايات من قلب الصعيد

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
روايات من قلب الصعيد

الشاعر والكاتب / عبد العزيز عبد الحليم عبد المطلب شاعر الصعيد عامتا ومدينة أسيوط خاصتا شاعر رواية من قلب الصعيد روايات واقعية - شخصيات تاريخية - قصة قصيرة - نوادر - احداث تاريخية - شعر العامية - المربعات - رومانسيات - ادوار صعيدية - الادب الساسي


    مقتطفات شعرية

    Admin
    Admin
    Admin


    عدد المساهمات : 590
    نقاط : 1769
    السٌّمعَة : 0
    تاريخ التسجيل : 15/11/2011
    العمر : 34
    الموقع : اسيوط

    مقتطفات شعرية Empty مقتطفات شعرية

    مُساهمة من طرف Admin الأحد مارس 18, 2012 10:45 pm

    انا يا ربى مهنش عليكم
    ****
    انا يا ربى كنت شقى وعملت كل ما بدا لى
    لكن عشمى يا ربى فيك تغفر لى ذنبى وترحم حالى
    وخايف من اللى مجراش لى لييجى فى يوم ويجرالى
    يا ربى ندمت على اللى عملته وحزنت على نفسى ورثيت حالى
    عشان انا عبدك ضعيف وكان مال الذنب ومالى
    الشيطان حلاه فى عنى وخلانى غويته طوالى
    لكن يا ربى انت قادر تلطف بى وتسامحنى وتحقق لى كل آمالى
    تدخلنى جنتك خالدا فيها وافضل فى الخلد طوالى
    د انا من حبى فيها دايما بتخيلها وفى بالى طوالى
    يا ربى متحرمنيش ابدا منها ومتخيبش عشمى فيها ونولهانى
    انا ياربى مهنش عليك ارجوك ترحمنى وترحم حالى
    ومن كتر حسن ظنى فيك عارف ان بعطفك هترحمنى يا ربى طوالى
    -----------------------------------------------------
    سيبونى افكر
    ****
    سيبونى افكر فى اللى بحبه واهوى بس اعملولى فنجان قهوه
    لحسن لو قطعتوا عنى التفكير هخلع هدومى واستهوى
    انا لو استهويت يضيع منى كل الكلام
    وقريحتى تهرب منى ومش هتيجى رغم التوسلات والنجوى
    وتبقى الف خسارة الهامى وقريحتى مش هترجع ولو طالت المناجاه والجدوى
    ولا هلاقى فكر هنا ولا هناك ولو عملوا كل يوم امسية او ندوه
    -----------------------------------------------------
    ايام رمضان
    ****
    اجمل لحظة ساعة المغربية والناس على الفطار مستنية
    واللقمة تبقى جميلة وهنية واحنا ملمومين على الطبلية
    بناكل وادينا فى الحركة وربنا بيطرح فى الاكل البركة
    رمضان دايما فيه نسمات جايه بالرحمة والنفحات
    وفى المساجد مواكب المصلين بيصلوا النوافل ومستبشرين برضا رب العالمين
    ولياليه زاخره بالقرآن وفيها التجلى من الرحمن
    -----------------------------------------------------
    طعام الافطار
    *****
    الاكل ليه طعم تانى فى رمضان وعلى الطبلية شكله يخليك فرحان
    لو دقتوا على الفطار قمر الدين مش هتلمونى مع اللايمين
    طعمه جميل قوى فى العادة ويروى كمان عطش الصايمين
    قاعد على الطبلية وشايف وايدى على قلبى وخايف ميقدموش لى قطايف
    ولو لقينا على الطبلية كنافة ادينا تتمد ونتلافا
    حقيقى ليها طعم خرافه آكل منها كتير واشبع واصبح بطل فى الكشافه
    ويا سلام لو على الطبلية خشاف ولا من درى ولا من شاف وآكل كتير بنهم واسراف
    -----------------------------------------------------
    الديك فى صفاته ليه غرايب
    *****
    الديك فى صفاته ليه غرايب وليه طرايف وعجايب
    دايما ماشى وراه فراخه مزهو فى ريشه ووشاحه
    عامل ملك وزير محدش يقدر على كبح جماحه وبيلقط الحب ويمادى على فراخه
    وفيه فراخ راقده على البيض وتقوم لا فيها دم ولا حيض
    قايمه تهلل وتكاكى وكأنها فازت ببواكى
    والفه ومحبه فى حياتهم مفيش حد منهم شاكى
    وليها مواعيد فى الفجرية تأدن ساعة البدرية
    بتصحى بأدانها النايم وبتنادى سبحان النايم
    ويتعلن على الملأ للقوم ان الصلاه افضل من النوم
    --------------------------------------------------
    النيل والمراكب
    *****
    بتتهادى على النيل المراكب فى جمع حاشد ومواكب
    وتتمايل مع الامواج مزهوة تحت المراكب
    مناظر كلها بهجة وسرور بتوقف الماشى والراكب
    والناس بتطل فى عجب وزهول والكل واقف بيراقب
    وماجت الناسي فى بعضيها ودابت فيها المراتب
    ليلة كانت بتتلألأ فيها النجوم وعلى راسها النجم الثاقب
    والدنيا بما فيها رقصت حتى على خيوطها العناكب
    كأنهم فى زمرة الجنة ونعيمها يا رب احسن لينا العواقب

    -----------------------------------------------------
    انا جاى اشيكيلك يا حماتى
    *****
    الزوج : انا جاى اشكيلك يا حماتى من حبيبتى الحلوة مراتى
    ارجوكى يا حماتى انصحيها عشان كلامك بيأثر فيها
    الحماه : معلش متزعلش يا جوز بنتى انا هروح واشوف مين فيكم الغلطان
    جايز تكون انت اللى مزعلها وعامل انك زعلان
    الزوج : وماله يا حماتى روحيلها وشوفى نيتها وضميرها
    الحماه : جوزج ليه يا بنتى مزعلاه طاوعيه واوعى تتخانقى معاه
    د برضه جوزك وحبيبك واللي يعيبه برضه يعيبك
    د واجب عليكى تراضيه ولو زعل معاكى برضه تصالحيه
    الزوجة : يا ماما هو اللى غلطان وبيتكلم فى الفاضى والمليان
    ولو جيت اناقشه فى حاجة يغضب ويعمل زعلان
    وعمره ما سمعنى كلمة حلوة غير يدخل ويطلع غضبان
    ولو جيت فى مرة اصالحه يرقد ويعمل عيان
    الحماه : معلش يا حبيبتى يا بنتى راضيه وصالحيه انتى
    د الراجل اقل حاجه ترضيه اعرفى طباعه وشكليه
    وطاوعيه يا حبيبتى وهاوديه واوعى تعندى وياه وتعانديه
    هاوديه من غير ما تغضبى ربك اكيد هيهاودك ويحبك
    الزوجة : حاضر يا ماما انا سامعه كلامك وهتتبس من خيرة ايامك
    اكمنك كنتى مليحة مع بابا وكان تملى سامع كلامك ومطبقه معاه خيرة ايامك
    الحماه : ليه يا حبيبى يا زوج بنتى د برضه حبيبتك وحبيبتى
    متغضبش معايا وتعمل عيان واجب عليك تصالحها وتخليك دايما معاها انسان
    وربنا يا حبيبى يهديكم ولا يشمت حد ابدا فيكم
    -----------------------------------------------------
    معاشرة قليل الاصل
    ****
    احط ايدى على خدى وازعق واقول يا عين
    يا ناس يا اللى قادرين صلوا على النبى الزين
    فلوسى يا ناس راحت فين يا ميت ندامه على فلوسى
    صرفتها على قللات الاصل وبعديها خس مصروفى
    وادحدرت بى الايام ومن ورايا كتر الكلام والناس نسيت معروفى
    وبكت العين لما احتواها الدين وقلت تستاهلى يا عين اللى محقتيش الزين
    حقيقى قليل الاصل اللى لا يرجى منه عشرة ولا وصل
    يظهر عليك لا كنتى بتبصى ولا تشوفى
    عايزاهلك محوار نار كنتى بتعاشرى باصرار قليل الاصل وتلوفى
    -----------------------------------------------------
    يالله ندخل مدارسنا
    ****
    يالله ندخل يا ولاد مدارسنا بادارة وعزيمة وحماسة
    ونمى فيها مواهبنا بجد وعزم ودراسه عشان يبقى مننا العلماء والقاده والساسه
    وانتاجنا نخليه دايما فى عنينا وفى دمنا صفه دايما ووراثة
    ولا نهمل ابدا ولا نكسل واحنا الرياده فى مواقعنا واللي فى العالم دايما حساسه
    -----------------------------------------------------
    الـمـدخـنـيـن
    ادعولنا يا محبين ربنا يكفينا شر التدخين وقولوا اللهم آمين
    احنا نفسنا يا مدمنين عارفين ان احنا مذنبين فى حق ولادنا المساكين
    وبطه نفضل على طول مديونين وكأننا فى الدنيا مش عايشين
    لا بناكل ابدا ولا بنشرب ودايما فقر وعريانين
    ودى حاجة مترضيش حد ولا يرضى عنها رب العالمين
    ولادنا كانوا دايما لينا متطلعين انكوا تبقوا اغنيا ومبسوطين
    وبين الناس تبقوا محبوبين ومكنتوش فى عيونهم منبوذين
    د احنا يا ما سمعنا ان الفقر بيقل الدين ود سببه كان التدخين
    د حتى البشاوات اللى كانوا بيركبوا الخيل دلوقتى على رجليهم ماشيين
    د احنا لوقارنا بين المدخنين والناس العاديين واللي فى العمر متساوين
    هتلاقى العادبين لسه شباب والمدخنين بقيوا مسنين
    -----------------------------------------------------
    خلخال خط على القدم
    *****
    يا حبيبى مالك ومال الغلب اللى قاعد دلوقتى بتعافيه
    وانا عارف اللى جاب ل د كله الخلخال اللى خط على القدم وكانت كل المحاسن فيه
    والسايغ اللى رسمه كان اسمه حسن هيؤه ورسم جميع ما فيه
    هو اللى خلاه عشق وخلى قلبه انكوى واحتارت الاطبه فيه
    قلنا هاتوا الدوايه والقلم واتهجوا اللى مكتوب فيه
    هو اللى كان السبب وخلاه عشق وعال السهم وبندعيله ربنا يشفيه
    يا عينى روحى للعاشق وشوفيه يا ترى هو مالت ولا روحه لسه عايشه فيه
    وطلع السوق زى عوايده ولا الجمل خلاه برك وشمت الاعادى فيه
    -----------------------------------------------------
    حبيبى اللى بحبه
    *****
    قلبى بيمد حبيبى بنشوه من روحى بتغذيه
    ويثبت فيه روح تانيه بتمده بالحب والحياه وتحييه
    والمحبه اللى كامنه فى قلبى بتديله دايما القوة وتصحيه
    وبدعيله دايما من قلبى ربنا على طول يراعيه
    ويحرسه دايما لشبابه يحميه ويطرح البركة فيه
    وياريت القدر المكتوب ياخد من عمرى ويديه
    د حبيبى وقرة عينى وحلاوة الدنيا كلها فيه
    كأنه مخلوق من لبن والعسل الصافى بيرويه
    د مفيش حد بوصف حبيبى ولا زيه فى الجو اللى انا فيه
    يا رب احميه على طول حياتى ولا تزعله ولا تبكيه
    د أنا لو شوفت الدموع على خده هاخده والف الدنيا بيه
    حبيبى فى الدنيا مليش غيره د حياتى وانا مربيه
    يا رب تخليه لى يمتعنى دايما واتهنى انا بيه
    -----------------------------------------------------
    يا راجل خليك انسان
    *****
    يا راجل خليك مليان بالمودة والحنان
    ومع الحبيب اللى بتحبه خليك معاه دايما انسان
    وتملى الجنس اللطيف عنده دايما كيف وادمان للرقة والحنان
    والرقة والحنين دايما الاتنين سيان لو فقدت حد منهم يحصلها تعب وجنان
    ولو استعملت معاها الحنين والرقة واللمسة بالبنان
    هتزيد فى الشوق والمحبة وتلتهب الوجدان
    وتلاقيها فى كل حين واوان بتطفى عطش الظمآن وتلطف جو الحران
    -----------------------------------------------------
    اللى شوفته وانا فى السوق
    *****
    انا فى يوم رحت السوق لقيت نفسى تايه ومسروق بين المنجه والبرقوق
    قلت لنفسى امته ادوق طعم المنجه والبرقوق
    الصاحى منه والمشقوق واللي بيخلى الدم يروق
    وتلاقيهم وهم لابسين الوشاح والبسمة اللى فيها الانشراح بلسم يداوى الجراح
    حلوين وطعمين زى التفاح يخلوا القلوب التعبانه ترتاح
    ملامحهم زى البدر اللى نوره لاح فى السما قبل الصباح
    يا رب اكتب لى النجاح واكتب لى التوفيق والفلاح
    الحب عامل كيف وياك
    *****
    تغمز لى بعينك آجى وراك ترفعلى الحاجب هستناك تدينى قبلة اعيش وياك
    الحب حليفك وماشى معاك لا عمره خانك ولا عمره جفاك الا وعامل كيف وياك
    توهت عقلى وتاه وياك خلانى دايما اعيش فى هواك وخيالى دايما ماشى معاك
    انا محبتش يا حبيبى سواك د انت وبس اللى بتمناك وانت وبس اللى فى عنى ملاك
    لو عبت عنى دقيقة توحشنى ولو ساعة واحدة الضنا ينحسنى
    يا حبيبى تعالى شوف جمالى وحسنى واوعى تخونى ابدا وتدوسنى
    د هواكم لو هفهف ولمسنى احسن الكون كله داعبنى وباسنى
    -----------------------------------------------------
    الـكـوره
    *****
    يالله بينا نروح الملعب ونشوف هناك الفرق اللى هتلعب
    ونهيص هناك مع الهايصين ومع المتفرجين والمشجعين
    وغريمنا عمل قدام جون الغريم دربكة وبجون نضيف خرم الشبكة
    زاد الفرح وزاد التهليل عايزين جون تانى شديد وجميل
    عشان يغطوا جون الانتصار ويبعدوا عنا الهزيمة والعار
    وانا بدعى لفريقنا المصرى واقول نصركم هو نصرى يا زينة العصور وزينة عصرى
    وفى لحظة واحنا بناخد الكاس وبتتهال القبل والكل ينباس
    من اللى عارفين بقيمة الكورة واللعبة الوحيدة فى المعمورة
    اللى بتهيج شعور الناس بالنصر دايما والاحساس
    والحمد لله لفريقنا القومى بالنصر بعد المجهود اليومى
    د نصرهم ابدا مجاش من فراغ بعد ما قدروا المصاريف من المليم للصاغ

    -----------------------------------------------------

    الحرب قادر يعوضنى
    ****
    لوحدى عايش من زمان بين الروابى والوديان محتاج لرقة ولمسه وحنان
    ماشى بيشاوروا على بالبنان ويقولوا الراجل ده عياه
    باين عليه عنده مس الجان عشان ماشى هزيل سهيان
    سألونى مالك يا حبيبى تعبان قلتلهم عشان عايش فى الحرمان
    ود من بعد ما كان لى حبيب انسان
    خدوه منى وانا عيان من غير رحمة ولا ايمان
    من ساعتها وانا فى العصيان على القدر اللى نسى ان انا انسان
    وحرمنى كمان من الجنة والبستان
    واسونى وادعولى بالنسيان وادعولى بالصبر والايمان
    الله يسامح اللى ظلمنى وخد منى حبيبى وحرمنى
    لوى دراعى وجنى على والرب قادر يعوضنى

      الوقت/التاريخ الآن هو الخميس مارس 28, 2024 11:37 pm