روايات من قلب الصعيد

بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
روايات من قلب الصعيد

الشاعر والكاتب / عبد العزيز عبد الحليم عبد المطلب شاعر الصعيد عامتا ومدينة أسيوط خاصتا شاعر رواية من قلب الصعيد روايات واقعية - شخصيات تاريخية - قصة قصيرة - نوادر - احداث تاريخية - شعر العامية - المربعات - رومانسيات - ادوار صعيدية - الادب الساسي


مقتطفات شعرية

شاطر
avatar
Admin
Admin

عدد المساهمات : 590
نقاط : 1769
السٌّمعَة : 0
تاريخ التسجيل : 15/11/2011
العمر : 28
الموقع : اسيوط

مقتطفات شعرية

مُساهمة من طرف Admin في الأحد مارس 18, 2012 10:45 pm

انا من غيرك ما اقدر اعيش
*****
اقعدى جنبى متتحركيش لقلبى عنى يروح وميجيش
عشان جمالك زيه مفيش وانا من غيرك ما اقدر اعيش
وعايزك لغيرى متبصيش د انا بحنان غيرى مفيش
والدنيا من غيرك ماتساويش شعراية ومن وسط الريش
ولو واحده غيرك متسليش لو جابولى فسدق وياميش
افديكى بمالى وعمرى وبضه هعيش وانشا لله يونماتى اكل قراقيش
انا لفيت الدنيا بحالها روحى زيك كتلاقيش
د عايزه تضلل عليكى بجناحها وتعيش معاكى جوه عريش
ولو هددونى اللى بطرابيش من ضابط لحد شاويش
عشان ياخدوكى بالقوة منى اتحداهم واقول برضه مفيش وانا من غيرها مااقدر اعيش
د كلامى طالع من قلبى يا حبيبى بدعيلك انشالله تعيش
-----------------------------------------------------متقلش د هادى وطيب
*****
تشوف الواحد تتغر فيه وتقول د راجل هادى وطيب
اتاريه لسانه معسول دايما يشوف الحاجة المليحة ومن لؤمه يفضل يعيب
ومهما اتظاهر بطيبته تحس دايما بخبثه ولؤمه اللى بيشيب
لو اخدت رايه فى نصيحه يديهالك من غير نيه ونصايحه دايما تخيب
ميحبش حد غير نفسه لئيم وكله خداع تشوفه ركبك تسيب
والعبر كلها تلاقيها فيه ومش عاجباه حاجه فى الدنيا ويعيب فى الناس ويعيب
انت عاشرته وقعدت معاه عشان تحكم عليه بالطيبة د انت يدوبك عرفته قريب
يالله ندعيله ربنا يهديه عشان الناس تحبه لحسن قلبه يوجعه ويسيب
-----------------------------------------------------
رضابك عسل وقهوة
****
رضابك عسل وقهوه ولبن فى بقى نمير
من حلاوته نعشتلى قلبى وخلى عقلى من راسى يطير
فى رقبتك عقد لولى وفساتينك حرير فى حرير
حتى النجفه فى عينا حمرة ومفرش طبيعى حرير
وفيه نصيحه ليكى ياحبيبتى متخليش قلبك ابدا يعير
انا دايما قاعد وتملى جنبك متخفيش علي انا مش هطير
خلى عندك امان ياحبيبتى د انا حبى جارى وفيه غدير
-----------------------------------------------------
وانت فى البلوذه والجيبه
*****
حلاوتك بتزيد حلاوة وانت بالكعب العالى
بتهبلى شباب الحته والمشية بتكون فيكى عجيبة
واللي زاد فى جمالك وغطى وانت لابسه البلوذه والجيبة
وعشان انت من بنات حتتنا وبرضه مش على عينى غريبه
حبيتك على طول من قلبى يا اغلى واعز حبيبه
-----------------------------------------------------
يا حبيبتى جمالك فى عنى
*****
ياحبيبى جمالك فى عنى بقى غلاب وانت بالشال المزوق ابو اهداب
خليتى عهقلى فى حبك داب وخلقت ليكى كل الاسباب
بستناتك بشوق وحنين يوماتى تحت شجر البلاب
وعشان اشوفك او المح طيفك وانت طاله من شباك او باب
ولو شوفتينى اوعى تاخدينى وتخلى يكون فيه بينا عتاب
-----------------------------------------------------
اشوفك احس بجوع
*****
يا حبيبتى اشوفك احس بجوع وتملى بكون جايع
ومفيش عيرك بتسدى الريق وبتمشى تهزى الارض وتسمعينى صوتك الفايع
عودك مقسم تقسيم خلانى فى حبك اهيم
ومفضلش ابدا قدامى غير الخضوع والتسليم
انا قبل ما شوفك كنت فى حالى ومليش دعوة باللى قدامى
دلوقتى بقاسى مرارى من اللى حصلى واللي جرارى
ارجوكى كفاية ارحمينى وتحت جناحك دفينى
د انا دبت من نار وجدك اللى بتاكل فى قلبى وتكوينى

-----------------------------------------------------

امانة يا بحر بغداد
*****
امانه يا بحر بغداد مجاش خلى ملا منك
انا قلته وهو شايل الجرة على راسه امانه يا خلى ان رحت بحر بغداد
تاخد بالك من نفسك واوعى تخلى حد يحط البال منك
ولما هملنى دلوقتى ومجاش انشغلت عليه وجيت اخد الاخبار منك
وباحلفلك بالله يا بحر بغداد مجاش خلى ملا منك
هو ابيض ظريف المعانى يختشى ان ملا منك
والله ان ما قلتلى يا بح على خلى راح فين هردف ردوفك وانزح ميتك منك
نطق البحر وقال خلك كان هنا ملا جرته ومشى وانا ليه انكره واخبيه عنك
قلتله ريحنى يا بحر دليتنى على حبيب الهنا وانا دلوقتى مبسوط منك
-----------------------------------------------------
لى عزول شين
*****
لى عزول شين حاقد على وانا بصنعتى ماهر دايما بزود فى انتاجى وعصرى بقى زاهر
حصلتلى نوبة عيا حبوا يجيبولى الطبيب قلت امانه يا طبيب ما تيجى الدار ظاهر
تعالى مخفى يا طبيب بصفتك صديق او سمسار واوعى تيجى ظاهر
انا خايف اقول أه يا طبيب يبقى الفرح عند عزولى ظاهر
-----------------------------------------------------
يا خاطب البنت
****
يا خاطب البنت اسأل على الاساس والاصل قبليها
واسال عن الخال لازم يكون اصيل ليها
البنت لما تكون اصيلة عيوبك تحاول تخبيها
وتعيش معاك على الحلوة والمرة واقل القليل يرضيها
وتفرح بالكلمة والابتسامة تهنيها عشان اصيلة من ضهر اصيل يرجع للى مربيها
واختار لبنتك ام ابدا مفيش عيوب فيها لان البنت لو فيها عيوب تلاقى الام قبليها
-----------------------------------------------------
صبية حبتنى
*****
صبية حبتنى وانا عنها مش دارى لما حبت تعرفنى الحب شدت حبالى واوتارى
جت البنية ورمت نفسها قدامى وقالت الحقنى
انا دخلت فى رجلى شوكة ارجوك تطلعها لى
فكرت ان كلامها صحيح وجت عينى عليها ووقعت فى اوزارى
عدلت وشى بعيد لعلى تذل واقع فى عصيانى
فكرتنى ان انا عبيط صرخت صرخه سدت بيها ودانى
فاكرة البنية ان انا بحبها وفى حبها موقعانى
-----------------------------------------------------
حبيبى اللى بحبه
*****
حبيبى اللى بحبه مبحبش حد غيره تانى
سمعنى هعدى البحر راح قدامى واستنانى
خاف على لاغرق عمل نفسه مركب وعدانى
ولما حس ان حد هياخدنى منه ومستنينى على الشط التانى
من غير سابق انذار جه فى غدير البحر ورمانى
قلتله ليه ياحبيبى تغدر بى وتضيع على الامانى
قالى انت اللى هتغدر بى وشايفلك حبيب تانى
قلتله سايق عليك النبى عاود بينا من تانى
د مفيش فى القلب غيرك حبيبه ولا هيكون لى حبيب غيرك احبه تانى

-----------------------------------------------------

عاشق جدع زين
*****
عاشق حط ايده على خده ونادى يا ليل يا عين
انا عشقت بنت بيضا جميله وموردة الخدين
اختليت بيها فى ساعة صفا قالتلى شد حيلك يا قليل الحيل
ارضنا ارض وسية مركزاها الخيل قلتلها متخفيش يا حلوة حبيبك جدع زين
بس متكونيش انت الخرعة وقليلة الحيل
د حبيبك عنده محرات وسية بيقلع القلقيل
-----------------------------------------------------
ليه يا حبايبى بتلومونى
****
ليه يا حبايبى تزعلوا منى وتلومونى وانا معاكم زى الوردة واجب عليكم تشمونى
فى البحر لم فتكم فى البر فاتونى بالتبر لم بعتكم وبالتبن بعتونى
وكنت شمعة فى البيت منور طفتونى وزهرة يانعة فى بستانى قطفتونى
مستنيين قعادى معاكم عايزين يا حبايبى تنفونى
حرام عليكم انا شربت كاس المر من بعد مأستونى
-----------------------------------------------------
جميل يا اخواتى جميل
*****
جميل يا اخواتى جميل حبه ملهش مثيل اشوفه عنى تسيل ليحب غيرى ويميل
ويبقى هجرنى وظلمنى واملى فيه خيبنى
بعدين اروح اشكى لمين من بعد مخلانى واهن وحزين
وانا دايما باستناه ومفيش فى قلبى سواه
يامحلى حبه يا محلاه سكر مدوب جواه اهديه يا رب اهديه انا حبه دايب فيه
خليه يا ربى خليه د انا روحى معلقة فيه
----------------------------------------------------

    الوقت/التاريخ الآن هو الثلاثاء فبراير 20, 2018 8:47 am