روايات من قلب الصعيد

بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
روايات من قلب الصعيد

الشاعر والكاتب / عبد العزيز عبد الحليم عبد المطلب شاعر الصعيد عامتا ومدينة أسيوط خاصتا شاعر رواية من قلب الصعيد روايات واقعية - شخصيات تاريخية - قصة قصيرة - نوادر - احداث تاريخية - شعر العامية - المربعات - رومانسيات - ادوار صعيدية - الادب الساسي


ا د و ا ر

شاطر
avatar
Admin
Admin

عدد المساهمات : 590
نقاط : 1769
السٌّمعَة : 0
تاريخ التسجيل : 15/11/2011
العمر : 28
الموقع : اسيوط

ا د و ا ر

مُساهمة من طرف Admin في الأحد مارس 18, 2012 11:14 pm

أدوار 2
يا بو البنات البكاري بدر وشوفلك سوق وبيع بأرخص الأثمان يربح معاك السوق دا البنت مدام أدركت لا توديها طاحون ولا سوق ليكتر دلعها ويتفرق بلحها وتبقي كنخلة في طريق السوق .
ـــــــــــــــــــــــــــ
يللي غويت النسب روح للبنت دار أبوها وأقعد مع الخال قبل ما تشرط مع أبوها وما يهمش المهر مدام البنت في حما أبوها مع الوقت بتعيش ولا تدريس بيت أبوها ولا ترضي بالعار ولو بالنار ضربوها .
ـــــــــــــــــــــــــــــــ
يللي غويت النسب روح للبنت دار أبيها واسأل علي الأم قبل ما تسأل علي أبيها وإن مالت البنت تبقي الأم قبليها .
ــــــــــــــــــــــــــــ
يا طبيب معايا ألم بيه الأمم عرفات أهو هدمني القوي حتي الدوا عرفات طيبني يا طبيب وإن طيبت يا طبيب لآخذك معايا تزور مكه وتطوف عرفات .
ــــــــــــــــــــــــــــــــــ
يا طبيب معايا ألم كل ما ألفلفه بيبان طحن عضايا ولطعني علي الببان أنا كل ما أسد له طاقة بتتفتحله ببان .
ـــــــــــــــــــــــ
طبيب معايا ألم بيه قرايبي كلهم عالمين أمانه يا طبيب تطيبني إن سبتني علي حالي يا طبيب أرمي بلايا علي مين جه أبو العليل قال طيبه يا طبيب وأديلك من جميع مالي قالت أخت العليل طيبه يا طبيب وأديلك حلقي وخلخالي وقال أخو العليل طيبه يا طبيب د أخويا ونور عيني وأديلك في الخلا علامات تزرع وترفع ويبقالك عندنا علامات طق العليل ومات من قوله حق الدوا علي مين .
ـــــــــــــــــــــــــــــــــــــــــ
يا ناس يللي عاشرتكم علي ديني تروحوا وتيجوا وأنا برضه علي ديني آدي الغرام فوق جبل عالي يناديني يللي تايهلك ولوفه قلت أنا أديني قالوا هتاخد مكانها مال أنا قلت لوديني يا ناس يللي ما ليكم في الجمال وصفه أنا خاطري أزور النبي وأقعد حداه وأصفي وإذا كان قلبي لغير المصطفي يصفي أموت كافر ولا أتوفي علي ديني .
ــــــــــــــــــــــــــــــــــ
ليه يا بلدنا علي السلطة حدفتينا شبه عصافير في الاقفاص حبستينا د كان نهار شوم يوم فرز الطبيب فينا فرحت أهالي البلد واتغمت أهالينا وخدونا في الجيش كلا عمدان أجدع ما فينا ييجي من الطابور تعبان يا خوفي من قنبلة تنزل وأنا ساهي نموت غرابا وما نشوفش أهالينا جابوا معانا عز مكيس بالكرياج يدلي ( يدلع ) يقول تعالي يا واد شيل التبن وارفع الغله البرد والأمطار عملوا في جتت الأصيل أنحاس هو ابن آدم مكنش يعرف إن احنا ولادة ناس وفي زهقت من وشه وطلعت بره امشي قلبلتني حبيبه واقفه ع الباب ودليله بأسألها مالك يا حبيبه واقفه ع الباب ودليله قالت حبيبي اللي بحبه خدوه الجيش وصبحت دليله قلتلها روحي يا حبيبه خطيبك خدوه الجهاديه أهم لموا الظنايا وسابوا العور وهافيا هنموت ضحية وما نشوفش أهالينا .
ـــــــــــــــــــــــــــــــــ
قاعد حجا مع ابنه فقال الابن لأبوه مشيني يا بوي عشان أعرف مسار الناس قاله يا ابني – جاب جحا حماره وابنه – ركب جحا الحمار وابنه مشي وراه – الناس انتقدت جحا وقالتله انت ما عندكش دم – انت راكب والواد ماشي وراك – ركبه هو هياكلوا لحمه – عاود تاني جحا من نفس الشارع وقد ركبا الاثنين الحمار فقالت الناس انتو ما عندكمش دم راكبين انتو الاتنين هتموتوه – عاود جحا في الطريق لثالث مرة وقد ركب الابن وهو ماشي فقالت له الناس انت اختليت مركب الواد وانت ماشي – عاود لرابع مره خاطط رجل علي الحمار وماشي برجل وابنه حاطط رجل وماشي برجل فقالوا جحا اختل – فعاود لخامس مره وقد جرا الاتنين الحمار فانتقدوه ايضا د الحمار يا جحا عشوة كلب تجروه انتو الاتنين ومحدش منكم يركبه .
ـــــــــــــــــــــــ
فتلت حبل الوداد لما بقي شعبان وكتمت ع السر لما بقي شبعان – راجل فقير حال لا ناقه ولا بلاه ( الجمل أو الابل ) وريقه نشفان من لاقي ولا بلاه – د زمان فضاح خلي ابني صبح شبعان – مين اعترض انظرو وعاش كافر ولا بلاه ونحمد الله يوم جايع ويوم شبعان .
ـــــــــــــــــــــــــــ
الدين عملني جمل واندار عمل جمال لو خزامي وشيلني تقيل الاحمال أنا قلت باقي وكل عقده وليها عند الكريم حلال .
ـــــــــــــــــــــــــــــــــــــــ
يللي انت مغرم صبابه في الهوا داير لي يلعب بطرف العصا وحرص من الداير ترجع تقاسي العذاب وينقضي عمرك حاير يشرب في الكاسات ويعاير أمرك يا ربي تعدل المايل .
ـــــــــــــــــــــــــــ
حلفت لصوم عن الزاد وافطر كل يوم ع المر الصاحب اللي زقتيه العسل صبح زقاني المر الناس قالولي عاتبه أنا قلت لو كان يستاهل العتب كنا عاتبناه د ما يستاهلش العتب الا الجسم الحر.

ادوار
سوق البخوت فين اشتريلي بخت من الدلال الناس معاها بخت وأنا معايا ربع بخت ومال والربع الآخر لقيته من عشة الاندال عاشرت حداد ضربلي النبل علي الصندال وقرأالهبابا وكتب الميم علي الصندال والبين ضربني بحربه وفتح الجمجمة طاقة وكلمة الحق عند الرب نطاقه وكل ما تدي طاقة تتفتحلي ببان .
ـــــــــــــــــــــــــــــ
في البحر لم فتكم في البر فتوني بالتبر بعتكم بالتبن بعتوني أنا كنت وردة في بستان قطفتوني ليه يا زمن قضتوني ولا تراعوني .
ــــــــــــــــــــــــــــ
خلخال خط ع القدم كل المجاسن فيه الصانع اسمه حسن ساحر جنونه فيه دخلت ستان اتفرج ع اللي فيه لقيت عريضة الجسد فارشه ونايمة فيه – الدق الأخضر باين أنا قلتلها غطيه قالتلي انت أخويا ولا ابويا ولا شريكي فيه سحبت سيف المحبة وانا قلت انا هرميه رمشت بعينها قبل ما ارميه .
ـــــــــــــــــــــــــــ
الرئيس السابق اش كان حصلي فيه د انا اشتريته مغطي وما اعلم اللي فيه اتاريه حرامي واحتار طبيبي فيه .
ـــــــــــــــــــــــــــــ
يا حلو ليك سنة لولي وبسمك ضحاك وعدتني بالوصال دايما بفمك الضحاك لو كان ليك حب بي كان جه في المنام ضحاك الحمد لله يا جميل ع اللي مغرنيش ضحكاك .
ـــــــــــــــــــــــــــــ
لو كان لي اب زين الناس ورباني لا كنت اسكر ولا انسي ذكر الله رباني مش الخسيس شين لو عني وراني ومشي الأصيل زين أجدفيه راحاتي الله يسامحك يا زمن حرجتني للتدل كما الحنه ورباني .
ـــــــــــــــــــــــــــ
يللي انت طيب واللي معاك مش ليك يحط ايده في جيبك وكأن جيبك ما هوش ليك حرص من اللي ياكل عيشك هو اللي راح يئذيك نسي ودادك ومعروفك وطلع يذم فيك .
ــــــــــــــــــــــــ
حلفت لصوم عن الزاد وافطر كل يوم ع المر الصاحب اللي زقتيه العسل صبح زقاني المر الناس قالولي عاتبه أنا قلت لو كان يستاهل العتب كنا عاتبناه د ما يستاهلش العتب الا الجسم الحر.

قالولي منين القبايل انا قلت متشالي يارب خليلي الحبايب كنز متشالي فضلت أعوم في البحر زي السمك منباشي اتلطمت في حجر اتفتحت راسي فضلت اقاسي لقيت الغلب متشالي .
ـــــــــــــــــــــــــــــــــ
يا طما قمح اسباني له دقه بعلامة عجبي علي غليون في وسط البحور له دقه بعلامة مركب كبيرة بدي اسافر فيها وامسك دفه الكافر من صغر سني وانا في البحر متعالي وان نسم الريح لاجيبها لطم في البحر واقول الحمد لله طلعنا البر بسلامة .
ـــــــــــــــــــــــــــ
انا اللي ظهر معي جرح وكسر في العضم يا معوض وكل ما بيآلمني انا بأزعق واقول يا معوض د انا اللي كان معي مال عمره ما يتعوض كداب يللي تقول الأخ يتعوض .
ـــــــــــــــــــــــــــــــــ
صعبان علي طفل يتيم الأم ومين يراعيه أبوه اتجوز غير أمه ومين يراعيه أهل الطفل بعاد لكن بالود تاركينه لا أخ نافع ولا صاحب عزيز يعول همه ومين يا ربي يراعيه .
ــــــــــــــــــــــــــــــ
ايام بنشرب عسل وأيام بنشرب خل وأيام بنام ع الفراش وايام ننام ع الطل وايام بتحكم علي ولاد الملوك تنذل أنا روحت لشيخ عالم قلبه من الهموم اتذل رمي الكتاب من يمينه والتفت وقالي اللي يعاشر الندل بعد الغندره يتذل .
ـــــــــــــــــــــــــــ
يللي انت ع البر ايه اللي رجعك تاني وجاب رجلك وجابك في الغويط تاني ما قلنا توبنا ع اللي جري تاني أنا مرضت انا وشفيت ولا واحد أتي طبلي ليه يا طبيبي بتنكر والدوا طبلي انا عزوتي يا طبيب لأدق انا طبلي واضرب في الهوا تاني .
ــــــــــــــــــــــــــــــ
جملات راكبين من فوق وراسمين الحواجب عجبهم فتي زين وقالوا له بالأمر هتطلع فوق طلع الجدع فوق عجبه منظر المنديل حلف ما ينزل من فوق وقال حبيبي فوق .
ـــــــــــــــــــــــ
الناس يقولوا لصاحب القرش يا معلم تطلع من البيت يقولولك يدوم عزك تصرف قرشك علي الهلث يا معلم ومن بعد عزك تشيل الهم يا معلم .
أنا بعلم الصبر يصبر علي صبر حبيب قرنه وبقول يا صبر صبرك حتي ييجي قرنه ان كان غيرنا حلي واحنا اللي مررنا الله يهون عليهم واحنا يصبرنا .

    الوقت/التاريخ الآن هو الثلاثاء نوفمبر 21, 2017 11:06 am