روايات من قلب الصعيد

بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة

انضم إلى المنتدى ، فالأمر سريع وسهل

روايات من قلب الصعيد

بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة

روايات من قلب الصعيد

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
روايات من قلب الصعيد

الشاعر والكاتب / عبد العزيز عبد الحليم عبد المطلب شاعر الصعيد عامتا ومدينة أسيوط خاصتا شاعر رواية من قلب الصعيد روايات واقعية - شخصيات تاريخية - قصة قصيرة - نوادر - احداث تاريخية - شعر العامية - المربعات - رومانسيات - ادوار صعيدية - الادب الساسي


    أدوار

    Admin
    Admin
    Admin


    عدد المساهمات : 590
    نقاط : 1769
    السٌّمعَة : 0
    تاريخ التسجيل : 15/11/2011
    العمر : 34
    الموقع : اسيوط

               أدوار Empty أدوار

    مُساهمة من طرف Admin الثلاثاء سبتمبر 04, 2012 9:20 pm

    أدوار
    - خسيس يقول للأصيل تعالى أعملك عندما خدام تأكل وتشرب من جملة الخدام قام الأصيل قال أنا هطلع على جبل عالى تأكلنى الحدأة والغربان بدل ما يقولوا الأصيل عمل عند الخسيس خدام.
    - أنا حظى كدقيق فوق شوك منثور وقالوا الحفاة فى يوم ريح أجمعوه فمن أشقاه ربى فكيف أنتم تسعدوه .
    - يا غلب من كانت بلونه مرتهُ تقطم العيش وتقول الفيران كلته جبتلها توب حرير من نط الحيطان هرته وإن ضربها يقولوا الراجل ضرب مرته وإن سكت يقولوا دعبد واشترته .
    - قالوا البنت حبت ولد وحلفت ما أخد فى البلد غيرك وإن كان معاك مال ما يبقاش لى حبيب غيرك وإن كنت بلا مال نظعطك ونجيب غيرك .
    - جبل الفلوس فين وأنا اللى خس مصروفى تستاهلى يا عين محور نار ورفروف صوفى اللى بتجاورى قليل الأصل وتلوفى .
    -إحنا عايشين فى زمن يشبه جمل والجمل واسق قزاز يشيل رجل ويحط فى الأرض ويقول يا ساتر لحسن لو وقع لا هيلقى نفسه ولا يلقى القزاز .
    - يا ليالى الهنا عودى فاضل إيه يا زمان هتاخدوا منى كم القميص انقطع وما ليش لبس تانى والحظ لما مال منين هيتعدل تانى .
    بينك وبين الحبايب جبل عالى وشوقك على الحبايب جاى وكيف أنا أطلع الجبل العالى وأشوف حبيبى وأقول حظى ومناى .
    - قال ما يكون أبويا نصحنى فى يوم وأنا صغير ما كنتش أنضام فى دى الأيام واتغير إلا تركنى مع الجهال وأنا صغير والحمد الله يابنى إلا وطلعنا من الدنيا بلا دين ذا الغلب والبين صاحبونى وأنا صغير .
    - قال دأنا أشكر أبويا عزنى فى الصغر وانا واد واتربيت على العال ما خدمتش جبان وأنا واد وربك سترها من الضغط الشديد وأنا واد وياما قلت حاسس يجينى كبير وصغير ولبسنى توب الكبر واللى كنت بأكرهه وأنا واد .
    - كان فيه ثلاثة والثلاثة أخوات واحد خدوه العرب وواحد خدوه الأحباب مفضلشى غيرى أنا يا صغير يا مخير يا ضراب الغاب وطلعت جبل عالى ضربت غابى وتانى غابة شرخت رجلى أبويا لفنى فى ملايه حرير ودار بي البحيرة والصعيد مالقتشى لرجلى نزلت دموع المحبة طيبت رجلى .
    - بخت العدل مال والمايل صبح معدول ما كنت خالص يا قلبى وإش وقعك مع دول كلوا متاعك ونسيوا الود وجميلك وراح جميلك ومش لازم العتاب مع دول .
    - عجبى على بنت بيضا بتخبز كحك وليه ريحة طلبت منها الوصال قالتى يا ابن الناس بلا فضيحة وإن كنت هتطلب منى الوصال يابن الناس روح لابويا البيت يبقى الوصال مسك ومخلط عليه ريحة .
    - عجبى على بنت بيضا فى المعدية طلبت منها الوصال قالتلى يابن الناس أنت مش بلاديتى قلتلها أنا بلديك ومقبض أبوك خمسة وعشرين جنيه حُمر نقدية قالتى إن كنت يابن الناس مقبض أبو خمسة وعشرين جنيه حمر نقدية لا قلع هدومى وأفرجك على الخوخ والتفاح وإن كنت على غير دينى هتسلم على إدينى .
    - يا بنت يللى على البير إزقينى بمنطالك خدك الجميل بينقط عسل يا بخت من طالك وصيته
    ( أمى ) فيغيب القمر وينعسوا جيرانك وأهجم عليك هجمة الشوم وأطلع فى خوخك ورمانك .
    - يا موت أتوصى بعزوز وأرخى عليه الستاير ذ الموت ما يتفرحش فيه دا كاس ع الناس داير.
    - يا بنت ما تضحكيش دا الضحك يرخيكى وتطمعى واد المره فيكى .
    - يا مدارس يا مدارس ياما أكلنا فيكى ملبس خالص والملبس فى الكباية يحرسوكى معلمتنا يللى عطيتنا شهادتنا .
    - أنا أستاهل كل اللى يجرى لى الغالى بعته رخيص واستاهل اللى يجرى لى .
    - هتعمل إيه وزارة العدل مع الخسيس والندل فيه ناس سهل فى إديها القتل وناس محترفة الخداع والقتل وفينا بيحترف السلب والنهب والنشل فلو سألتنى وقولتلى ما تحبس إيه ؟ أقولك مراكز الشرطة وبالتالى وزارة العدل فأنا لا مع هؤلاء انا مع رب الحق والعدل .
    - أنت ومالك لأبيك فما تعاكس الله يخليك – خليك أصيل ومتحب وإخواتك هيعشموا فيك يحبوك وتقربوا منك ولا واحد منهم أبدا يجافيك .
    - كبرنا وماعملناش حساب للأيام حتى القرايب كرهونا كانوا دايماً يجونا من آخر الدنيا سير على الأقدام أما دلوقتى لما تعبنا فلا بيجونا ولا حتى بيعودونا .
    - من سنين وأيام وأنا يا حلوه بأحلم بيكى وهل هيجى على يوم وأحظى بجواجبك ورموس عنيكى .
    - من يوم ما شوفتك وانا لا بأنعس ولا بنام ودايماً بهلوس بحبك فلا بشوفك أبداً فى يقظة ولا بتزورينى حتى فى منام .
    - أنا بقاسى من يوم ما شوفتك وجيتى على مزاجى وهوايا فإذا ما أرغمونى وسيبتك هيعسكر المرض جوه فى حشايا .
    - قالوا الشحاتة كنيا والكنيا معروف عنها مقويات وليه الناس سموا الشحاتىة كينيا لأن الشحاتين بنوا من وراها قصور وسرايات .
    - بنؤمن بكل الكتب السماوية التوراة والإنجيل والقرآن وللأسف اللى من غير المسلمين بنوا فينا الكراهية واتهمونا بالكدب والبهتان .
    - لما كنت صغير وفى عز شبابى كانوا الجميع بيحبونى ويحترمونى ولما كبرت وضاع شبابى تركوا رعايتى وسابونى .
    عبد العزيز عبد الحليم عبد اللطيف
    أسيوط – الوليدية – شارع إسماعيل الشريف
    حارة أحمد سويفى 2327217

      الوقت/التاريخ الآن هو الجمعة مارس 29, 2024 8:01 am