مقتطفات شعرية

الجميلة والوحشين
*****
خدى بالك يا جميلة من الوحشين صحيح كل ما يشوفكى يبقوا دايما منتشين
واعى تأمنى لحد فيهم د الواحد منهم مش امين
وطالما انهم وحشين اكيد فى قرارهم غشاشين
ولو اتظاهروا ليكى سنين وسنين وعلقوا على كتافهم وصدورهم نياشين
مش هيغيروا ابدا من طبيعتهم وهيفضلوا دايما وحشين
اللي زى دول مكنش حد حاكمهم لا اب ولا ام فضلوا طول عمرهم سايبين
خسارة انت جميلة وحلوة وخدى بالك من الوحشين

-----------------------------------------------------

الولد الشقى وألاعيبه
****
دايما تلاقى الولد الشقى الناس عارفه دايما شقاوته والاعيبه
والحاجات الوحشه كلها بيعملها ودايما بتشينه وتعيبه
يلعب مع اصحابه بغلاسة ويقطع جلاليبهم ويرجع هو كمان مقتطعه جلاليبه
وليه صحاب على شاكلته دايما معاه فى الشقاوة وهو عاملهم محاسيبه
الناس كلها اشمئزت منه حتى قرايبه بقت تتركه وتسيبه
ولوحد شكى لقرايب الشقى ينكر الواحد منهم ان الشقى ده من العيله وقريبه
قرايبه اتخلوا عنه عشان عارفينه شقى ولميض
ولو شافوا حد بيتعارك معاه يعملوا انهم مش شايفينه
ولما كترت شكاوى الناس منه قرايبه عملوا على عقابه وتهديده
وكل الناس اللى فى حتته كرهوه ومفيش حد منهم ابدا يحبه ويريده
-----------------------------------------------------
سر المحبة فى ساعة الفجر
*****
فيه سر غريب وعجيب مع كل حبيبه وحبيب
والسر اللى امره عجيب بيكون بين الاحبه ساعة الفجر
وتكون بينهم هيام ونشوة كانهم كانوا من سنين فى غياب وهجر
وتلاقى الحبيبة فى نظر حبيبها كانها قمر وبدر
وتعهم بينهم الفة ومودة فى وقت محدش يسمع فيه شجار وزجر
د وقت كله هدوء وسكينة يذكرك دايما بليلة القدر
سبحانه ربى فى ملكه اللى جعل بين الاحبة
مودة ورحمة وبدل الزعل المحبة الالفة ساعة الفجر

-----------------------------------------------------

أنا من غيرك ما اقدر اعيش
*****
يا حبيبى انا من غيرك ما اقدر اعيش يا حلوة يا طعمة ياسكر سنترفيش
انا فى وجود ك اساوى حاجة لكن من غيرك ابدا مساويش
وعشان تسيبينى اعيش لوحدى ابدا وحياتك انا ما اقدر اعيش
انا دايما براعيكى وواصل ودى عشان يا حبيبتى مقاطعتيش
عشان فيكى رقة وفيكى حنية عشان الاقيها فى غيرك ابدا ملاقيش
الاقيها معدومه ابدا ومفيش
قربى منى ولا تسيبنيش لعقلى يطير منى وادور عليه ابدا ملاقيش
وفى يوم هتلاقونى ماشى مع الدراويش
لابس جلابية مقطعه وعلى راسى طاقيه منكته ريش
-----------------------------------------------------
عجبى عليكى يا دنيا
*****
عجبى عليكى يا دنيا فيكى حروب وسلام وفيكى اسود ونمور وفيكى صقور وحمام
وحكايات غرام ومحبة تلاقيها مع الايام
وانا اللى كنت فى حالى والناس فكرانى امام
صادفنى قمر فى طريقى بيهز الدنيا بحالها فى نشوة وشوق وهيام
ماشية بهلوانية فيها خطوة ورا واتنين قدام
سحرتنى قوام بعنيها ورموشها بتقولى سلام
لو مشيت وراها ومملكتش ابدا اعصابى محدش يوجهلى ملام
تشوفها تشتهيها وتشعر انك انت جعان
وفيه حد تكون بطنه فاضيه وقدامه زغاليل وحمام
وتسبونى اكل فى نفسى يا اخواتى د حتى حرام
ارحمونى واخلوا طريقى د هى عندى اعلى وسام
ساعدونى واخدمونى هيكون بينى وبينكم سلام
الحب وضحايا مجانينه
****
ايه يا ربى ادعى على الحب وسنينه وعلى على ضحايا مجانينه
ولا على الناس الوحشين اللى واقفين قدامه وحايشينه
ايه يا ربى ذنب المحبين فى العذاب والفراق والبين
د الهوى لوحده اللى شبكهم واللي جذبهم سحر العين
خلاهم يحلموا ويتمنوا فى يوم وليلة يبقوا عروسين
وكل واحد منهم بيتمنى انه يعيش مع حبيبه فى الجنة
يرتع فيها ويتهنى وعشان كده مش قادر يستنى
املهم يجنوا الثمار ويغنوا على الاوتار ويحيى الفل وياهم عصفور مغرد هزار
ويحكى الواحد مع التانى ويتكلم عن المشوار
مشوار الحياة السعيدة كيف يربوا فيها الصغار
صغار الزهور اليانعة اللى هيتعلموا ويدخلوا الجامعة
والولد يبقى زى الشمس والبنت زى القمر الطالعة
ويمارسوا مع بعض الحياة وتبقالهم الشهرة اللامعة
-----------------------------------------------------
اصحى يا دفعة الضابط جاى
*****
اصحى يا دفعة الضابط جاى هاودينى يا حلوة وتعالى معاى
ازقيك قهوة وكندا دراى رجلى حفيت وانا رايح جاى
كيف اقابلك واشفوك ازاى حلوة وجميلة واردافك هاى
والكحلة فى عينك بتزين الاى
سحرتى قلبى وجذبتينى وخليتى عقلى من راسى فلاى
انا من غيرك اعيش ازاى دايما تايه وعايش فى بلاى لكن فى حضنك بلاقى مثواى

-----------------------------------------------------
حبيبى اللى بحبه
*****
حبيبى اللى بحبه ولو عبد نوبى وجماله وخفة دمه خلتنى اقوله يا روحى
انا ميهمنيش اللون انا يهمنى اللى يداوينى ويداوى جروحى
ويهمنى اللى يريح بالى وحياتنا تبقى تسالى
ونعيش مع بعض لوحدينا وربنا يهدينا ويهنينا
ونلعب مع بعض ونظغطط زى عصفورين فى جنينه
العزال يبعدوا عنا ونسعد على طول بليالينا
وتغني لى دايما بالحلال وتبعدى عنى الادمان
من الزواغة والبص على الناس والجيران
واكون شاريها وشاريانى د احلى عندى من العنب الحيانى
وتبقى سعيدة وانا مسعود فى حقب جميل محمود
يرضى عنه رب الوجود ويسعدنا على طول الدنيا ويسعدنا كمان فى الخلود
وتكون دايما راضيه عنى وانا اكون سخى وياها بالكرم والجود
عشانها اعدى بحور وسدود ولا تحوشنيش عنها حدود
هى صحيح مش بيضا بلكن سمارها ودود
خلى بياضها الصافى دايما فى قلبها موجود
-----------------------------------------------------
حبيبى اللى بحبه
*****
حبيبى اللى بحبه كأنى بعرفه من سنين مناخيره زى النبقة وشفايفة زى التين
هو مجذبش قلبى لوحده د جذب قلوب الملايين
من اول لحظة شافوه فيها بقيوا معجبين جالهم قلق نفسانى وباتو سهرانين
كلهم بتصارعوا عليها وعنى انا غفلانين
ولما عرفوا انه بيحبنى انا جالهم فى الحال انين
وقاموا فى لهفة ونكسة وعملوا زى المجانين
جمالها فاق زليخة ويوسف وفاق كمان الحور العين
-----------------------------------------------------
القمر بيقول للنجوم
****
بيقوله انا افضل منك نورى بيشيل الهموم
قلتله حاسب واقف عندك انت بتكبر وتصغر ونورك مش بيدوم
فى ليلة 14 نورك بحسه فى حبيبى اللى ريحته نبيذ وكروم
وتملى بيرحينى وبيهز لى الهدوم
د هو احساس ربانى لا حد يقدر يشوفه ولا فى نظريات العلوم
ود هو النور الحقيقى اللى بيشيل الهموم
يا رب ديمه على ومنه متخلنيش محروم
-----------------------------------------------------
انا بحبك يا كفاية
*****
انا بحبك يا كفاية انا فى بردى دفاية بتلفينى وتحضنينى وتشمينى وردايه
بتخافى على من الهوا الفايت حتى من الجيرة كفاية
وانا برضه ابادلك نفس الشعور والغيرة وبحافظ عليكى يا اميرة
حتى عوازلنا وجيرانا حاسدينا على محبتنا وبقينا على السنتهم سيرة
ربنا يكفينا شر عينيهم يشوفونا يبصوا تحت رجليهم
اما صحيح عجايب لما انتوا كده غايرين قلدونا وخليكوا زينا حبايب
وسلموا على بعض تملى وأسألوا كمان على الغايب
تسودكم الفة ومحبة والشاب فيكم يحب الشابة
وتبقوا كلكم اخوات وتقربوا بينكم المسافات
والاخ يحب اخته واخوه ويحسن لامه وابوه
بكده : ربنا يرضى عنا ويدينا ويصونا من البغض ويحمينا
-----------------------------------------------------
سحرتنى عيون حبيبى
*****
سحرتنى عيون حبيبى واشتاقت ليه نفسى وانجذبت اليه
هو فيه صحة وروح رياضية ومشية فيها رقصة باليه
خدود حمرة وعيون سمرة تبرد الحجرة لو حطيتها عليه
بيضربوا بيه المثل انه حلو وزى العسل ربنا سقاه الشهد واتوصى بيه
شعر على القورة وكحلة مجرورة عامله ديل على القصة وفى طريقها اليه
عيون جميلة واهداب طويلة لما تسيبلها تلاقى سحرها فيه
حلوة ونعسانه وقعدتها سهتانه يستاهل الحنان والود والحب والعطف عليه
هى غصن لبان بيتمايل خيلان لو حبيت تشوفه تتهفت عليه
قوايمها غضة لو حصل لها خضة تلاقى دموعها سلاسل فضة
ودرر من البدر ساعة الهجر بدر بيكى فى اكتمال لياليه
منظر طبيعى جماله فيه وضفاير بترقص على روابيه
-----------------------------------------------------
مقدروش عنك اتحتاش
*****
زقيانى فى نهارى العذاب والويل بالشعر اللى نازل ع القورة
والكحلة اللى مزينة عنيك مخططاها وعامله ليها ديل
والبسمة اللى بين شفتيكى ومنورة زى قمر الليل
انا نفسى ازورك واقعد جنبك لكن اعمل ايه يا ليل
ابعتلك خيالى يزور خيالك ساعة حلول الليل
لانى مقدرش ابدا عنك اتحاش وقلت لروحى شاغليها فى الحلم احسن من بلاش
هى دى الزيارة اللى جت لى عشان اقرب منك ياحبيبى
واتفضل على طول عايش جنبك اتهنى واعيش فى بحور حبك

-----------------------------------------------------
عنيك قاب قوسين
*****
عنيك ياحبيبتى قاب قوسين ورموشك طويلة على الجفنين
مجننانى وشغلانى ومدوبانى تلمى يا نور العين
خدودك عليهم وردتين ولولى ابيض على الصفين
يبانوا ساعة البسمة جوه حمار الشفتين
والهلال اللى منور فى طلوعه تشوفه على الحاجبين
تقول ياخواتى ايه اللى حصل للقمر يظهر عليه اتقسم نصين
نوره ساطع ورايق ومنور سواد العين
-----------------------------------------------------
If you mant to see
*****
جمالى اللى انت غاويه if you mant to see –
تيجى نعيش عيشة فريه – free
عشان عارفك انت – love me
والشوق اللى كامن فى قلبك هخليك على طول – kiss me
انا وانت وبنتى تلاته – three
عايزين نفسح فى جنينه ونقعد تحت - tree
والعيال يكونوا – with me - ونقعد ونشرب – tea
انت بتتعب لاجل ولادك وبناتك وانا – for me
د قربك بيريحنى وبعدك – wig kill me
كان ميعادنا الامس – yesterdau
وانا وانت عايزين – to play - وتاره وحماس – to day
انا اتفاءل بيوم – Sunday – نلعب ونجرى فيه – far amay

-----------------------------------------------------

ليالى القمر
****
محلانا واحنا فى ليالى القمر والحب اللى واصل بينا والرمل والشوق والسهر
مليتى قلبى بالحنين وشوقتينى للسمر بين النوا والزهور اللى وراها المطر
والورد اللى كبر وفتح ولونه زاد وازدهر ونسيم الصبا الهادى هيج فروج الشجر
اتخيلى جنه عايشين فيها وبنقطف بايدينا السمر
والملايكة بيزفونا والمسك فاح وانتشر
خلانى حسيت بنشوة وكأنى انا وهى فى سفر
طلعنا للمريخ وقالوا خلاص هجر لكن رجعنا تانى ونزلنا للحضر
وبقيت ساكن وهادى وقلبى للحب اعتمر
-----------------------------------------------------
محلاك يا شتا
*****
محلاك يا شتا فى قعاد السهارى ومص القصب وحبيبى جارى
وبقى فيه طاقة عندى للبث الحرارى
وانا بدور لطافه وبحب سارى وبوحت لحبيبى كلب اسرارى
وارتويت وغنين وقلت ادوارى ومدحت فى جماله وقلت اشعارى
وعشان ما هو قاعد فى السهرايه جارى كان فى عنى احلى من ظبى البرارى
وجبت شوارع ولفيت حوارى ملقتش غيره فى الطريق منادى
يا قمر يا منور فوق فى العلالى نورك ملا الدنيا وعم النور فى دارى
-----------------------------------------------------
مهرجان الكف
****
حاسب على عقلك يا سامع ليختل ويتهف لما احكيلك واوصف لك مهرجان الكف
تملى عندنا فى القرى والنجوع مهرجان الكف دايما مسموع
لو حد سمعه هيقوم مسروع حتى لو كان قاعد بياكل وهيموت من الجوع
الكف عبارة عن رجالة من فريقين واقفين قصاد بعض على الصفين
فريق منهم يقول الدور اللى عليه والفريق التانى يرد عليه
والمتفرجين بتسمع بشغف فرحانه ومبهورة القلوب
مستنية تشوف الفريق الغالب وتشوف كمان الفريق المغلوب
وفى اثناء المحاور فى الادوار والرد على الغريم فى الحوار
بتدخل بين الصفين صبيه حلوة مرسومة ومجلية
ماسكه فى ايديها عصايه وبترقص منظر يخلى نبضات القلب يزيد وينقص
بترقص ولابسه فى رجليها حجل وفى ايديها لابسه سوار انا شوفتها عقلى من راسى طار
وهى بترقص بين الصفين وبتطوح العصايه شمال ويمين
جات لريس احد الفريقين وقالت الراجل ده غريب علينا وجاى منين
واثناء ما بترقص خطفت عمته من على راسه ود عار يضحك عليه اهله وناسه
وبعد ما خلص الكف حب الغريب يرجع عمته ويزيل اساه وغمته
قام حط ايده على خده وقال دور من ادوار الكف كله دهاء ودوران ولف
قال : بلدكم دى ما فيها احكام تحكم على كل عاصى
وتحكم على ام حجل وسوار تجيب عمتى وتحطها على راسى
سمعوا المتفرجين الدور هللوا قوام بالفرح وماجوا فى بعض فى صخب ومرح
والحاجة اللى كانت مخليانى مذهول ومجننانى
شوفت الصبية راجعة بالعمة من تانى خليتنى بقيت اعض على ايدى ونانى
وراحت للراجل وحطت العمه على راسه وطولت رقبته بين اهله وناسه
-----------------------------------------------------
انا سبب عيائى يا طبيب
*****
انا سبب عيائى يا طبيب صبية جميلة وحمرة
من ساعة ما شوفتها بعنى يا طبيب وانا بترنح وكأنى شارب كاسات خمرة
وعقلى من راسى بقى يغيب لا متهنى ابدا بنومه ولا سهرة
طول الليل قالقة منامى وهى تكتب وانا اقرا
تكتبلى بكره حنروح فين نقضى المساء والسهرة
ودايما قصادى فى احلامى اكلمها تسمع كلامى
ولو فى مرة احلامها خانتها ومشفتش فى الحلم زى عادتها الاقيها تبعت سلامى
ومن كتر احلامى وانشغال بالى حفظت دور كان دايما على لسانى موالى
انا سبب عيايا يا طبيب بنت حمرة
مسهرانى طول الليل هى تكتب وانا اقرا ودايما على طول قالقة منامى
وان غبت عنها يدوبك يوم الاقيها فى الحال تبعت سلامى
-----------------------------------------------------
امتى الحلم يبقى حقيقة
*****
عزيزة بتقول ليوسف سلامات وبتقوله يا تاج عقلى ودينى
طول عمرى سارحه فى المتاهات ودايما المخده مخاصمة جبينى
والناس بترقبنى بنظرات مش قادرة اقولها لناسى ومحبينى
هل هو أسف على ولا حسرات للى ارهقنى وبعذابه ضنينى
وكأنهم بيقولولى فين البسمات وعيونهم آسفه بتبكينى
يا ترى هى عنيى هتفضل تطفر على طول دمعات لغاية ما يفكر حبيبى ويجينى
د انا طول الليل باحلم حلمات ان جبينه لاصق فى جبينى
وامتى الحلم يبقى حقيقة واقوم اطبق عليه بيمينى
اقوم من نومى الاقى احلامى خيالات تملى بتغيب عنى وتجينى
عزيزة بتقول ليوسف سلامات وبتقوله يا تاج عينى ودينى
انا جول الليل باحلم حلمات واقوم اطبق عليه يمينى
-----------------------------------------------------
ياريت حبيبى كان قاعد
****
ياريت حبيبى كان قاعد ولا سابشى الحته اللى عايش انا فيها
يا ترى لما سابها مفكرشى ان انا مش هقدر لوحدى اعيش فيها
يا خسارة مشى وخد ذكرياتى ولا سابشى غير نار الشوق بتاكل جتتى وتكويها
هجره جرح قلبى ومقادرشى اعالج جروحى واداويها
حتى عنى اللى بين حواجبى ورمشى صبحت متشوفشى اللى حواليها
جابوا لى الطيب حتى الطبيب مرحمشى وداس على الجراح اللى انا فيها
د يا دوبك شافنى بعينه ومكشفشى وقال انت عايش فى اوهام الحب وبلاويها
ودايما امراض الحب عسيرة ومفيش طبيب فى الدنيا يقدر يداويها
قلت يا طبيب طالما حبيبى هجرنى ومسبشى غير البلاوى اللى انا غرقان فيها
والحزن بان على جبهة وشى والتجاعيد كترت قوى فيها
بكره السفر يا طبيب وصابح امشى وفايت انا البلد باللى فيها